Integra Capital rahbari bilan uchrashuv o‘tkazildi
2026-01-28 10:50:00 / Yangiliklar
Tog‘-kon sanoati va geologiya vazirligida vazir o‘rinbosari R.Yusupov, vazirlik mutasaddilari bilan birgalikda Integra Capital holdingi rahbari Xose Luis Monzano bilan uchrashdi.
Uchrashuvda mehmonlarga O‘zbekistonda so‘nggi yillarda tog‘-kon sanoati va geologiya sohasida amalga oshirilayotgan islohotlar, “Yer qa’ri to‘g‘risidagi” yangi tahrirdagi qonun mazmun-mohiyati, onlayn auksion orqali tadbirkorlar, investorlarga taklif qilinayotgan istiqbolli maydonlar haqida ma’lumot berildi.
Integra Capital vakillari “O‘zbekiston texnologik metallar kombinati” AJ faoliyati, sanoat uchun muhim minerallar, kritik xomashyo materiallari yo‘nalishida hamkorlikka qiziqish bildirdilar.