Suv resurslarini kompleks boshqarish boʻyicha Shveysariya tajribasi oʻrganildi
2025-12-17 17:15:00 / Yangiliklar
Shveysariya hamkorlik va taraqqiyot agentligi (SDC) tomonidan moliyalashtirilayotgan “Oʻzbekistonning Zarafshon daryosi havzasida iqlimga bardoshli integratsiyalashgan suv resurslarini boshqarish” loyihasi doirasida oʻzbekistonlik mutaxassislar suv resurslarini kompleks boshqarish boʻyicha xorijiy tajribani oʻrganishdi.
Tog‘-kon sanoati va geologiya vazirligi, “Oʻzbekgidrogeologiya” DM, “GIDROINGEO Instituti” DM vakillari O‘zbekiston delegatsiyasi bilan kanal va daryolar oʻzanlarida mavjud ekotizimni saqlagan holda gidroelektrstansiyasi qurish, ichimlik suv taʼminotini yaxshilash, suv resurslarini baholash va modellashtirish, meteomaʼlumotlardan foydalanish, yer osti suv qatlamlarini sunʼiy toʻyintirish, monitoringini yuritish boʻyicha Shveysariyaning yetakchi kompaniyalari va ilmiy-tadqiqot markazlari faoliyati bilan tanishdilar.