Kon-geologiya vazirligida moliyaviy va boshqa xavflarni aniqlash, baholash, kamaytirish, monitoring yuritilishini samarali taʼminlash yuzasidan seminar-trening o‘tkazildi
2025-12-17 14:55:00 / Yangiliklar
Joriy yil 17-dekabr kuni togʻ-kon sanoati va geologiya vazirligi tarkibiy boʻlinma rahbarlari hamda tegishli yoʻnalish mutaxassislari uchun “Respublika va mahalliy ijro etuvchi hokimiyat organlarida moliyaviy va boshqa xavflarni aniqlash, baholash, kamaytirish (oldini olish, bartaraf etish) va monitoring yuritilishini samarali taʼminlash” mavzusida seminar trening tashkil etildi.
Tadbirni vazir o‘rinbosari R.Yusupov kirish so‘zi bilan ochib berdi, u sohada moliyaviy va boshqa xavflarni aniqlash, baholash, oldini olish, kamchiliklarni bartaraf qilish, monitoringni amalga oshirishning muhim yo‘nalishlardan biri ekanligini alohida qayd etdi.
Seminar treningda Iqtisodiyot va moliya vazirligi Davlat organlarining ichki audit tuzilmalari faoliyatini rivojlantirish va muvofiqlashtirish boshqarmasi boshligʻi A. Jabborov o‘z taqdimoti bilan xavflarni aniqlash, baholash, kamaytirish (oldini olish, bartaraf etish) va monitoring yuritilishi yuzasidan batafsil ma’lumot berdi.