Mangold Consulting kompaniyasi bilan hamkorlik istiqbollari muhokama qilindi
2025-12-17 09:35:00 / Yangiliklar
O‘zbekiston Respublikasi tog‘-kon sanoati va geologiya vaziri B. Islamov hamda Mangold Consulting kompaniyasi rahbari Dr. Klaus Mangold o‘rtasida uchrashuv bo‘lib o‘tdi.
Uchrashuv davomida tog‘-kon sanoati va geologiya sohasida amalga oshirilayotgan islohotlar, sohani rivojlantirish istiqbollari, shuningdek, kelgusida rejalashtirilayotgan investitsiya loyihalari yuzasidan fikr almashildi.
Istiqbolli loyihalar doirasida tomonlar hamkorlikka tayyor ekanliklarini bildirdilar hamda o‘zaro manfaatli aloqalarni mustahkamlash va hamkorlik samaradorligini oshirish muhimligini ta’kidladilar.