“Ulug‘ xalq qudrati jo‘sh urgan zamon” shiori ostida madaniy-ma’rifiy tadbir bo‘lib o‘tdi
2025-12-10 17:10:00 / Yangiliklar
2025-yil 10-dekabr kuni O‘zbekiston Respublikasi Davlat madhiyasi qabul qilinganligining 33 yilligi munosabati bilan “Ulugʼ xalq qudrati joʼsh urgan zamon” shiori ostida madaniy-ma’rifiy tadbir o‘tkazildi.
Dastlab ishtirokchilar Davlat madhiyasini birgalikda jo‘r bo‘lib ijro etdilar, shundan so‘ng vazirning davlat tili hamda ma’naviy-ma’rifiy ishlar boʻyicha maslahatchisi Z.Axmedova madhiyamiz - xalqimizning g‘ururi, ozod va obod Vatan barpo etish yo‘lidagi qat’iy irodasi, birlik va hamjihatligining timsoli ekanligi haqida so‘z yuritdi.
Tadbir yakunida vazirlik xodimlari orasida “Jadidlar merosini o‘rganish” mavzusi ostida oʻtkazilgan ommaviy diktant tadbiri, “Eng ifodali she’r”, “Maqollar bilimdoni” tanlovi g’oliblariga esdalik sovg‘alari topshirildi.