Ustyurt hududida uglevodorodga geologiya-qidiruv ishlari holati o‘rganildi
2025-11-12 15:55:00 / Yangiliklar
Davlat dasturi doirasida “O‘zbekgeofizika” AJ tomonidan xarid qilingan zamonaviy seysmik majmualar vositasida Ustyurt hududi chuqur geologik qatlamlari keng o‘rganilib, Mo‘ynoq va Orolboy singari yangi uglevodorod konlari ochildi.
Shu bilan birgalikda “Yangi kon” MChJ tomonidan joriy yilda Respublikada birinchi marta chuqurligi 7 500 metr bo‘lgan 1-sonli “Ustyurt Deep Gas” parametrik qudug‘ini ilgʻor xorijiy kompaniyalarni jalb qilgan holda burgʻilash ishlari boshlandi.
Tog‘-kon sanoati va geologiya vazirligi mutaxassislari Ustyurt hududida uglevodorodga olib borilayotgan geologiya-qidiruv ishlari holati qoʻllanilayotgan uslubiyatlar, qish mavsumiga tayyorgarlik ishlarini oʻrgandilar.