Kon-geologiya vazirligida navbatdagi seminar oʻtkazildi
2025-11-12 14:45:00 / Yangiliklar
Joriy yilning 11-noyabr kuni Kon-geologiya vazirligi xodimlari oʻrtasida korrupsiyaga qarshi kurashish sohasida tushuntirish ishlarini olib borish, ularning huquqiy ongi va madaniyatini yuksaltirish, korrupsiyaga nisbatan murosasiz munosabatni shakllantirish boʻyicha navbatdagi tadbir boʻlib oʻtdi.
Tadbirda Togʻ-kon sanoati va geologiya vazirligi ijro apparati xodimlari ishtirok etdi. Uni Kon-geologiya vazirining oʻrinbosari R.P. Yusupov boshqarib, yigʻilish ishtirokchilariga vazirlikda korrupsiyaga qarshi kurashish sohasida amalga oshirilayotgan ishlar toʻgʻrisida toʻxtalib oʻtdi.
Shu bilan birga, vazirlikning Korrupsiyaga qarshi ichki nazorat boʻlimi tomonidan Kon-geologiya vazirining 2024-yil 14-noyabrdagi 144-sonli buyrugʻi bilan tasdiqlangan “Sovgʻalar berish va olish, biznes-tadbirlarni tashkil etish va ishtirok etish, vakillik xarajatlarini amalga oshirish siyosati” toʻgʻrisida maʼruza qilindi.
Tadbirda ishtirok etgan soha mutaxassislari oʻzlarini qiziqtirgan savollarga javob oldilar.