“Kambagʻallikdan farovonlik sari” dasturi: Qo‘rg‘ontepa tumanidagi “Toshloq” MFYda amalga oshirilgan ishlar
2025-11-07 16:35:00 / Yangiliklar
Togʻ-kon sanoati va geologiya vazirligi tomonidan “Kambagʻallikdan farovonlik sari” dasturi doirasida Qoʻrgʻontepa tumanidagi “Toshloq” mahallasida aholini qoʻllab-quvvatlashga qaratilgan qator ishlar qilindi.
Mahallada yosh bitiruvchi qizlar uchun chevarchilik oʻquv markazi tashkil etildi, vazirlik tomonidan zarur jihozlar bilan taʼminlandi. Shu orqali bir nechta ayol va qizlar bepul kasb oʻrganib, ish bilan taʼminlanadi.
Shuningdek, yoshlarning boʻsh vaqtini mazmunli oʻtkazish maqsadida vorkaut maydonchasi barpo etildi, stol tennisi bilan taʼminlandi, hamda kichik kutubxona tashkil etildi.
Mahallada mehnatsevar, lekin imkoniyati cheklangan fuqaroga uyini taʼmirlashda zarur boʻlgan shifer mahsuloti topshirilib, ularning oilasiga moddiy yordam koʻrsatildi.