Joriy yilning 27–29-oktabr kunlari poytaxtimizdagi Central Asian Expo Uzbekistan xalqaro körgazmalar majmuasida InnoWeek-2026 — xalqaro innovatsion ğoyalar haftaligi bölib ötadi.
2026-10-26 11:10:00 / Yangiliklar
“Özgarayotgan dunyo uçun ilğor innovatsiyalar” şiori ostida taşkil etilayotgan bu yilgi haftalikda oliy ta’lim muassasalari va ilmiy-tadqiqot taşkilotlariga Koreyada işlab çiqarilgan, ekologik toza, siqilgan tabiiy gazda işlaydigan 50 ta traktor beğaraz topşiriladi.
Şuningdek, ilm-fan va innovatsiya sohasida samarali natijalarga erişgan olimlar, ixtiroçilar, tadqiqotçilar va loyiha mualliflarini rağbatlantirişga ham alohida e’tibor qaratiladi. Xususan, “Eng yaxşi oliy ta’lim ixtiroçisi” va “Intellektual faoliyat böyiça” respublika tanlovlari, “Hududning eng yaxşi 100 ta innovatsion loyihasi” tanlovi ğoliblari taqdirlanadi. Şuningdek, xalqaro ilmiy naşrlarda maqolalar çop etgan olimlar, yoş startapçilar, ekologik innovatsiyalar va yaşil texnologiyalar yaratgan innovatorlarning yutuqlari e’tirof etiladi. An’anaga muvofiq, 32 nafar hamyurtimizga “Innovatsion ğoyalar yetakçisi” kökrak nişoni topşiriladi. Umumiy hisobda jami salkam 380 nafar hamyurtimizga mukofot topşiriladi.
2018-yildan buyon muntazam ötkazib kelinayotgan haftalikning bu yilgi kölami ham keng. Unda 30 ta davlatdan 200 nafar xorijiy mehmon iştirok etişi kutilmoqda, taşrif buyuruvçilar soni esa 15 ming nafardan oşişi prognoz qilingan. Uç kun davomida jami 21 ta tadbir, jumladan, 6 ta xalqaro va mahalliy forum, 5 ta taqdirlaş marosimi, 3 ta sessiya, 2 ta Demo Day, 2 ta taqdimot, 1 ta konferensiya hamda 2 ta ilmiy muloqot va davra suhbati ötkaziladi. Uşbu tadbirlar ilm-fan, innovatsion tadbirkorlik va xalqaro hamkorlikning turli yönalişlarini qamrab oladi.
Tadbirga taşrif buyuruvçi oilalar va yoş ota-onalar uçun ham qulayliklar yaratilmoqda. Jumladan, bolalar hududi, virtual sayohat imkonini beruvçi VR maydoni va innovatsion köngiloçar öyinlar taşkil etiladi. Bu orqali taşrif buyuruvçilar nafaqat zamonaviy texnologiyalar bilan tanişişi, balki ularning imkoniyatlarini interaktiv şaklda ham sinab körişi mumkin böladi.
Haftalikning asosiy qismlaridan biri innovatsion işlanmalar körgazmasidir. Unda jami 265 ta eksponent, jumladan, 225 ta mahalliy va 40 ta xorijiy iştirokçi öz mahsulot va işlanmalarini taqdim etadi. Umumiy maydoni 1 500 kvadrat metr bölgan körgazma hududida 12 ta blok va 240 ta stend taşkil etilib, 750 ta innovatsion mahsulot namoyiş qilinadi.
Körgazmada oliy ta’lim muassasalari va ilmiy-tadqiqot taşkilotlari, innovatsion tadbirkorlik subyektlari, spin-off kompaniyalar, yoş startapçilar, Yaşnobod texnoparki va hududiy yoşlar texnoparklari, Jahon bankining “MUNIS” loyihasi iştirokçilari, ixtiroçilar va ratsionalizatorlar öz işlanmalarini namoyiş etadi. Şuningdek, Janubiy Koreya, Xitoy, Yaponiya, Germaniya, Hindiston, Eron va Yevropa Ittifoqi kabi xorijiy hamkorlarning texnologiyalari va innovatsion yeçimlari taqdim etiladi. Bu esa mahalliy işlanmalarni xalqaro tajriba bilan uyğunlaştiriş, yangi ğoyalar bilan tanişiş va istiqbolli hamkorlik aloqalarini yölga qöyiş uçun imkoniyat yaratadi.
Haftalikning muhim yönalişlaridan yana biri — xalqaro biznes hamkorlikni rivojlantiriş. Xorijiy kompaniyalar rahbarlari va mas’ul vakillarining iştiroki mahalliy korxonalar uçun yangi hamkorlar topiş, özaro manfaatli takliflarni muhokama qiliş va qöşma loyihalar böyiça dastlabki kelişuvlarga erişiş imkonini beradi. InnoWeek-2026 doirasida taşkil etiladigan B2B uçraşuvlar ilm-fan va işlab çiqariş örtasidagi aloqalarni mustahkamlaş, innovatsion mahsulotlarni bozorga olib çiqiş hamda xalqaro biznes aloqalarini kengaytirişga xizmat qiladi.
Umuman olganda, InnoWeek-2026 nafaqat olimlar va tadqiqotçilar, balki talabalar, yoşlar, startap asosçilari, investorlar, tadbirkorlar, sanoat korxonalari, davlat taşkilotlari va xalqaro hamkorlar uçun ham muhim ahamiyatga ega. Çunki innovatsiyalar yangi texnologiyalar yaratiş bilangina çeklanmaydi: ular işlab çiqariş samaradorligini oşiriş, yangi mahsulot va xizmatlarni joriy etiş, tadbirkorlikni rivojlantiriş hamda iqtisodiyotning raqobatbardoşligini mustahkamlaşga xizmat qiladi.
Şu ma’noda, haftalik iştirokçilarga öz ğoya va işlanmalarini keng jamoatçilikka taqdim etiş, yangi hamkorlar topiş, tajriba almaşiş va istiqbolli loyihalarni amalga oşiriş uçun muhim maydon bölib xizmat qiladi. InnoWeek-2026 ning asosiy maqsadi ham ilm-fan, innovatsiya va biznesni özaro boğlaş, mahalliy işlanmalarning salohiyatini oçib beriş va ilmiy ğoyalarni hayotda qöllaniladigan, iqtisodiy va ijtimoiy samara beradigan yeçimlarga aylantirişdan iborat.