“Eng yaxshi oliy taʼlim ixtirochisi” respublika tanlovining 2-bosqichi Toshkent shahri miqyosiga kelib tushgan arizalar ko‘rib chiqiladi
2026-07-07 20:05:00 / Yangiliklar
2026-yilning 9-iyul kuni soat 14:00 da Oliy ta’lim, fan va innovatsiyalar vazirligi binosida “Eng yaxshi oliy taʼlim ixtirochisi” respublika tanlovining
2-bosqichiga (Toshkent shahri miqyosiga) kelib tushgan arizalar respublika tanlov komissiya tomonidan ko‘rib chiqiladi.
Tanlov Oʻzbekiston Respublikasi Prezidenti rahbarligida 2025-yil
15-sentabrda “Oʻqituvchi va murabbiylar” kuni munosabati bilan sohani rivojlantirish chora-tadbirlari yuzasidan oʻtkazilgan yigʻilishda berilgan topshiriqlarning ijrosini ta’minlash maqsadida Oliy taʼlim, fan va innovatsiyalar vazirining 2026-yil 19-yanvardagi 14-son buyrugʻi 2-ilovasi bilan tasdiqlangan “Eng yaxshi oliy taʼlim ixtirochisi” respublika tanlovini oʻtkazish tartibi toʻgʻrisida nizom talablariga muvofiq tashkil etilmoqda.
Tanlov uch bosqichda oʻtkaziladi:
1-bosqich – oliy taʼlim tashkilotlari miqyosida;
2-bosqich – Qoraqalpogʻiston Respublikasi, viloyatlar va Toshkent shahri miqyosida;
3-bosqich – respublika miqyosida.
Tanlovga quyidagi ustuvor yoʻnalishlar bo‘yicha arizalar qabul qilingan:
– sunʼiy intellekt, dasturlash va axborot texnologiyalari;
– muhandislik, ishlab chiqarish va ishlov berish sohalari;
– aniq va tabiiy fanlarga mansub taʼlim yoʻnalishlari;
– ekologiya va atrof-muhit muhofazasi;
– veterinariya va qishloq xoʻjaligi (shu jumladan, baliqchilik va oʻrmonchilik);
– sogʻliqni saqlash, tibbiyot va mehnat muhofazasi;
– arxitektura va qurilish;
– transport va logistika xizmatlari.
Bunda 8 ta ustuvor yoʻnalishlar boʻyicha 1 nafardan birinchi oʻrin, 1 nafardan 2-oʻrin va 1 nafardan 3-oʻrin, jami 24 nafar gʻolib va sovrindorlar aniqlanadi.