Avval xabar berganimizdek, Innovatsion rivojlanish agentligi delegatsiyasi ayni kunlarda Bangkok shahrida bo‘lib o‘tayotgan “Global tadqiqot kengashining (GRC) 2026-yilgi 14-yillik yig‘ilishi” xalqaro forumida
2026-05-20 10:05:00 / Yangiliklar
Mazkur nufuzli tadbir doirasida Innovatsion rivojlanish agentligi delegatsiyasi Indoneziya Respublikasining Milliy tadqiqotlar va innovatsiyalar agentligi raisi o‘rinbosari doktor Agus bilan uchrashuv o‘tkazdi.
Uchrashuv davomida tomonlar ilm-fan, innovatsion faoliyat, ilmiy-tadqiqot loyihalarini birgalikda amalga oshirish, yosh olimlarni qo‘llab-quvvatlash hamda ilmiy tashkilotlar o‘rtasidagi hamkorlikni rivojlantirish masalalarini muhokama qildilar. Shuningdek, startap ekotizimini qo‘llab-quvvatlash, innovatsion infratuzilmani rivojlantirish hamda ikki davlat o‘rtasidagi ilmiy va innovatsion hamkorlikni yangi bosqichga olib chiqish yuzasidan fikr almashildi.
Tomonlar ilm-fan va innovatsiyalar yo‘nalishida o‘zaro tajriba almashish, qo‘shma dastur va loyihalarni amalga oshirish hamda kelgusidagi hamkorlik istiqbollari yuzasidan ham muzokaralar olib bordilar. Uchrashuv yakunida hamkorlikda qo‘shma loyihalarni amalga oshirish yuzasidan hamkorlik kelishuvini imzolashga kelishib olindi.
Ma’lumot uchun, Indoneziya Respublikasining Milliy tadqiqotlar va innovatsiyalar agentligi 2021-yilda tashkil etilgan bo‘lib, bevosita Indoneziya Respublikasi Prezidenti huzurida faoliyat olib boradi. Agentlik mamlakatning ilm-fan va innovatsiyalar sohasidagi asosiy davlat tashkiloti hisoblanadi.