O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi

Innovatsion g‘oyalarni qo‘llab-quvvatlash, yoshlarning startap va IT loyihalarini rivojlantirish hamda zamonaviy mehnat bozori talablariga mos kadrlar tayyorlash maqsadida Urganch yoshlar texnoparki hamda Urganch davlat pedagogika instituti o‘rtasida uchrashuv bo‘lib o‘tdi.

Muzokaralar davomida talaba-yoshlarning kreativ tashabbuslarini amaliyotga joriy etish, innovatsion loyihalarni birgalikda rivojlantirish va istiqbolli hamkorlik yo‘nalishlari muhokama qilindi.

Uchrashuv yakunida tomonlar oʻrtasida oʻzaro hamkorlik memorandumi imzolandi.

Mazkur hujjat yoshlarni innovatsion faoliyatga keng jalb etish, ularning g‘oyalarini startap loyihaga aylantirish va biznesni yo‘lga qo‘yishlariga ko‘maklashishga xizmat qiladi.