Xitoy Xalq Respublikasining nufuzli universitetlari bilan ilmiy hamkorlik aloqalari yo‘lga qo‘yilmoqda
2026-04-16 13:05:00 / Yangiliklar
Oliy ta’lim, fan va innovatsiyalar vaziri o‘rinbosari O‘ktam Salomov boshchiligidagi O‘zbekiston delegatsiyasi Xitoy Xalq Respublikasining Milliy tabiiy fanlar jamg‘armasi bilan muzokaralar o‘tkazdi.
Uchrashuvda Xitoy Xalq Respublikasining nufuzli universitetlari hamda O‘zbekiston universitetlari hamkorligida qo‘shma fundamental ilmiy loyihalarni amalga oshirish, shuningdek yosh olimlarimiz uchun ilmiy stajirovkalarni yo‘lga qo‘yish masalalari muhokama qilindi.
O‘zbekiston va Xitoy o‘rtasidagi ilmiy hamkorlikni yanada rivojlantirishga qaratilgan bunday yuqori darajadagi tashriflar ikki davlat uchun ham strategik ahamiyatga ega bo’lib, ilm-fan va yuqori texnologiyalar sohasida katta natijalarga erishgan Xitoy tajribasi O‘zbekiston innovatsion salohiyatini oshirishga xizmat qiladi.