Stajirovka O‘zbekiston Respublikasi Vazirlar Mahkamasining 2021-yil 19-apreldagi 222-son qarori bilan tasdiqlangan “Yosh olimlarni yetakchi xorijiy oliy ta’lim va ilmiy tashkilotlarga qisqa muddatli ilmiy stajirovkalarga yuborish tartibi to‘g‘risida” nizom (Nizom) talablariga muvofiq va Italiyaning Padova universiteti (University of Padova, Italy) bilan tuzilgan kelishuvga asosan tashkil etiladi.

Tashkilot: Italiyaning Padova universiteti.

1-dastur yo‘nalishi: O'zbekistonda qishloq xo'jaligini diversifikatsiya qilish va qishloq hududlarini rivojlantirish: barqaror qishloq jamoalarini shakllantirish strategiyalari

2-dastur yo‘nalishi: Qishloq xo‘jaligi tizimlarida qurg‘oqchilik va sho‘rlanish stressini aniqlash maqsadida sun’iy yo‘ldosh masofaviy zondlash ma’lumotlari va yer usti monitoringini integratsiyalashgan holda qo‘llash.

3-dastur yo‘nalishi: Qishloq xo‘jaligi ekinlarida biotik va abiotik stresslarni monitoring qilish va boshqarishda masofaviy hamda proksimal (yaqin masofadan) zondlash texnologiyalaridan foydalanish.

4-dastur yo‘nalishi: Jarrohlik onkologiyasi bo‘yicha ilmiy stajirovka.

5-dastur yo‘nalishi: Tarixiy me’moriy va muhandislik merosi obyektlarini ilg‘or vizualizatsiya tizimlari asosida tahlil qilish va boshqarish jarayonlarini optimallashtirish maqsadida Qurilish axborot modellashtirish (QAM) texnologiyalarining operatsion va amaliy metodologiyalarini ishlab chiqish.

6-dastur yo‘nalishi: O‘zbekistonda barqaror qurilishni ta’minlashga qaratilgan innovatsion qurilish materiallari va konstruktiv yechimlarni ishlab chiqish.

7-dastur yo‘nalishi: O‘zbekistonda suv tanqisligi muammolarini bartaraf etish hamda resurslardan aylanma (sirkulyar) foydalanishni ta’minlashga qaratilgan integratsiyalashgan ekologik muhandislik yechimlarini ishlab chiqish.

8-dastur yo‘nalishi: O'tkir miokard infarkti paytida koronar mikromuhitdagi reparativ mexanizmlar.

9-dastur yo‘nalishi: Gematologiya bo'yicha stajirovka.

Dastur tili: ingliz tili.

Dastur muddati: 2 oy.

Ishtirokchilar soni: 9 nafar.

Tanlov g‘oliblari ilovada keltirilgan stajirovkani amalga oshirish dasturlarida belgilangan vazifalarni bajarish uchun 2026-2027-yillar davomida stajirovkaga yuboriladi.

Oliy ta’lim muassasalari va ilmiy tashkilotlar (Buyurtmachi) tomonidan stajirovka o‘tashga tavsiya qilinuvchi nomzodlar to‘g‘risidagi ma’lumot (hujjat)lar ilovaga muvofiq Nizom talablari asosida 2026-yilning 1-iyul sanasidan 2026-yilning 30-sentabr (shu kuni ham 23:59 gacha) sanasiga qadar internship.ilmiy.uz xorijiy ilmiy stajirovkalarni tashkil etishning yagona elektron tizimi orqali taqdim etiladi.

Boshqa elektron manzil (edo.ijro.uz, exat, Agentlik va Vazirliklarning rasmiy elektron pochta manzillari va xk.) va/yoki Agentlik mas’ul xodimlarining rasmiy elektron pochta manzillari orqali kelib tushgan nomzodlar to‘g‘risidagi ma’lumot (hujjat)lar qabul qilinmaydi va ko‘rib chiqilmaydi.

Nomzodlarni tavsiya etish jarayonining holisligini va taqdim etilayotgan ma’lumot (hujjat)larning to‘liqligi, haqqoniyligi shu bilan birga, tavsiya etilgan nomzodlarni saralash tanlovlarda ishtirokini ta’minlash buyurtmachi rahbari zimmasiga yuklanadi.

Tanlov haqida qo‘shimcha ma’lumotlar olish uchun Agentlik mas’ul xodimlari:

Ilmiy tadqiqotlarni tashkil etish boshqarmasi yetakchi mutaxassisi Yusupov Suxrob Qaxramon o‘g‘li, telefon: (71) 203 32 23 (ichki raqam 655), elektron manzil: s.yusupov@ilmiy.uz;

Axborot tizimiga texnik tomondan qo‘llab qo‘vatlash uchun mas’ul AKTni joriy etish va raqamlashtirish boshqarmasi bosh mutaxassisi Tojiyev Sardor Azimqul o‘g‘li, telefon: (71) 203 32 23 (ichki raqam 647), elektron manzil: s.tojiyev@ilmiy.uz.

Ilovalar:
1. Stajirovka dasturlari

2. Tanlov tartibi