Buxoro viloyati hokimligi

Ayni paytda bu yerda 54 ta ish oʻrni yaratilib, korxonaning yillik mahsulot aylanmasi yildan-yilga oshib bormoqda. Oʻtgan 2023-yilda bu boradagi koʻrsatkich 13 milliard 200 million soʻmni, 2024-yildagi faoliyatdan 17 milliard 300 million soʻmni tashkil etgan boʻlsa, joriy yil yakuniga borib yillik tovar aylanmasi hajmini 25 milliard soʻmga yetkazish maqsad qilingan. 

Hozirgi kunda viloyatdagi 80 taga yaqin korxona faoliyatida zarur boʻlgan uskuna va jihozlar, sanoat uchun maxsus asbob-uskuna, butlovchi ehtiyot qismlar aynan “Kogon Mars plyus”da ishlab chiqarilmoqda. Shuningdek, korxonada mavjud imkoniyatlar kengaytirilib, ishlab chiqarish hajmini oshirish maqsadida yangi loyihaga muvofiq 2,2 gektar maydonda maʼmuriy va ishlab chiqarish binolari barpo qilinmoqda.   

— Hozirda jamoamizdagi ishchi-mutaxassis soni 54 nafarni tashkil etayotgan boʻlsa, ayni paytda bizga ajratilgan yerning 2900 metr kvadrat maydonida maʼmuriy va ishlab chiqarish binolari barpo etilayotgani hisobidan 50 milliard soʻmlik loyiha ijrosi yaqin oylarda toʻla-toʻkis taʼminlanishi ortidan bu yerdagi ish oʻrnini 100 tadan oshirish  choralarini koʻrmoqdamiz,—deydi korxona rahbari, “Shuhrat” medali sohibi Sayyot Qosimov. —Bu bilan  yana oʻnlab oilalar turmush sharoitlari yaxshilanib, tuman iqtisodiyotida korxonamiz oʻz moddiy ulushiga ega boʻladi. Bu ham mamlakatimizda kichik, oʻrta biznes vakillari, umuman, soha xodimlari uchun keng imkoniyatlar yaratib berilayotganligi yaqqol namunasidir. 
  
Viloyat hokimligi matbuot xizmati