Buxoro viloyati hokimligi

Oʻzbekiston Respublikasi Prezidentining 2024-yil 12-avgustdagi “Buxoro viloyatida kichik va oʻrta biznesni qoʻllab-quvvatlash, xizmat koʻrsatish va turizmni rivojlantirishning qoʻshimcha chora-tadbirlari toʻgʻrisida”gi PQ-287-sonli qaroriga asosan Kogon tumani “Niyozhoji” mahalla fuqarolar yigʻinida ham  yangi loyiha asosida aholi koʻngilli hordiq chiqarishiga muoʻljallangan zamonaviy istirohat bogʻi barpo etishga kirishilgan.  

Loyiha doirasida  koʻchalarda yoritish ustunlari, oʻrindiqlar va chiqindi urnalarini oʻrnatish, manzarali daraxt koʻchatlari oʻtqazish, audio musiqa tizimini tashkil etish, dekorativ arka va ustunlar oʻrnatish, shuningdek, hududda fotozonalar uchun dekorativ elementlar tashkil etish, piyodalar yoʻlaklari, velo-yoʻlaklar yoʻl chekkasida harakatlanishga xalal bermaydigan avtoturargohlar va zamonaviy oʻrindiqlar tashkil etish, ovqatlanish uchun qulay boʻlgan “Food trak”lar faoliyatini yoʻlga qoʻyish, bolalar oʻyingohi oʻrnatish kabi ishlar amalga oshiriladi. 

Oʻtgan yili “yashil makon” umummilliy loyihasi doirasida mazkur parkni 6 gektar maydoniga 5 ming tupdan ortiq chinni, gujum, akatsiya, katalpa, qaragʻay, chinor, klyon kabi noyob manzarali daraxt koʻchatlari oʻtqazilib, parvarishi boshlangandi. Albatta, bu koʻrkam manzara dam olish maskanini yanada soʻlim va bahavo boʻlishiga xizmat qiladi.  

Yil yakuniga qadar toʻliq ishga tushirilishi moʻljallangan loyihaning ahamiyati, yiliga mahalliy byudjetga 500 million soʻm atrofida daromad kirim qilinib, bunda tijorat egalari va mehmonlar uchun qator savdo va servis, koʻngilochar xizmat turlari taklif etiladi.  Shuningdek, 50 nafarga yaqin  yangi ish oʻrni yaratiladi. Aholiga dam olish uchun ajoyib maskan boʻlishi kutilayotgan bu loyihaga shu kunlarda zarur mexanizatsiyalashgan ishchi kuchi jalb qilingan va hududda obodonlashtirish, tuproq va dekoratsiya ishlari boshlangan.

Viloyat hokimligi matbuot xizmati