Ozodbek Shukrullayev: “Jismoniy imkoniyatim cheklangani bu hayot toʻxtab qoldi degani emas!”
2025-09-15 12:20:00 / Yangiliklar
Aynan shu chekka mahallada yashovchi Ozodbek Shukrullayev jismoniy imkoniyati cheklangan, nogironligi boʻlsada, sabr-matonat bilan halol mehnati orqasidan daromad topib, harakatdan toʻxtamasdan, oilasini boqmoqda. Qishloqda sartaroshlikni eʼzozlab, odamlar hojatini ravo qilib, shu kasb-kori ortidan roʻzgʻori kam-koʻstini bartaraf etib kelmoqda.
Mahalla maʼmuriyatining amaliy koʻmagi, hokim yordamchisining tavsiyasi bilan Ozodbek imtiyozli bank krediti 33 million soʻm mablagʻni rasmiylashtirib olib ishini rivojlantirmoqda. Bu sarmoya evaziga sartarosh yigit zamonaviy konteynerni oʻz ixtiyoriga olib, zarur inventarva uskunalar bilan jihozlab ishga tushirdi.
— Jismoniy imkoniyatim cheklangani bu hayot toʻxtab qoldi degani emas. Men ham boshqalar qatori halol mehnat qilib, oila boqishim kerak. Baʼzi-birovlarday boqimondalik kayfiyatiga berilib, maʼno-mazmunsiz umr kechirishni istamayman, — deydi Ozodbek Shukrullayev. — Mehnat qilib, moddiy manfaat topganim sayin orzu-havaslarimni bemalol oʻz qoʻllarim bilan yaratishim mumkinligiga ishonchim ortmoqda. Bugun mahalladoshlarga xizmat qilayotganimdan xursandman.
Albatta, Ozodbekning matonati boshqalarga, unig tengdoshlariga ibrat. Mahalladagi yoshlar yetakchisi ham bu jarayondan chetda qolmay, Ozodbekning faoliyati barqarorligini taʼminlashda bosh-qosh boʻlmoqda. Shu bois, sartarashxona bugun bir yoshning ishxonasi emas, mahalla hamjihatligi yorqin namunasidir.
Viloyat hokimligi matbuot xizmati