Buxoro viloyati hokimligi

Tumanda faoliyat olib borayotgan “WBM ROMITEX” MCHJ paxta toʻqimachilik klasteriga tegishli paxtani qayta ishlash korxonasi, "ROMSTAR" ipakni qayta ishlash Oʻzbekiston-Amerika qoʻshma korxonasi, “Hazortut” MFY dagi “Shifo sut Invest” oilaviy korxonasi hamda "Gold mebel" MCHJ negizida tashkil etilgan mebelsozlik korxonasi faoliyati bugun tuman iqtisodiyotiga munosib ulush qoʻshish barobarida jami 300 nafarga yaqin ishchi oʻrni bilan oilalar moddiy manfaatdorligini taʼminlamoqda. 

Ayni paytda hududda tuman rahbari boshchiligidagi ishchi guruhi mahalliy sanoat korxonalarida xom ashyo taʼminoti, ishlab chiqarish ahvoli, ishchi-mutaxassislarga yaratilgan mehnat sharoitidan tortib, muhandislik-kommunikatsiya tarmoqlari, infratuzilma bilan bogʻliq faoliyat va muammolarni  atroflicha oʻrganib, tegishli choralarni koʻrmoqda. 

Faoliyatiga koʻp boʻlmagan "Gold mebel" va "BM-Farovon qurilish" masʼuliyati cheklangan jamiyatlarida bugunga kelib 40 nafarga yaqin ishchi mehnat qilayotgan boʻlsa, ularning ksariyati kunbay ishlab, 2,5-3,5 million soʻm atrofida oylik maosh olishmoqda. Xitoy texnologiyasi asosida jihozlangan “Gold mebel" korxonasida zamonaviy andozadagi qattiq mebel, stol-stul va boshqa mahsulotlar yasab berilib, assortiment va buyurtmalar sonini koʻpaytirish choralari izlanmoqda.   

"BM-Farovon qurilish" korxonasida esa qurilishbop suvoq ashyolari, quruq aralashmalar, lak-boʻyoqlar, imorat va binolar ichki va tashqi qismlari, fasadi uchun pardozlash suyuqliklari tayyorlab, aholi buyurtmachilariga sotilmoqda. Aytish joizki, ikki korxona mahsulotlariga talab va ehtiyoj kuchaymoqda. Shu boisdan, tadbirkorlik sexlari ishini rivojlantirish, quvvatlarini oshirish, ularda “ustoz-shogird” anʼanasiga muvofiq ishni kengaytirish imkoniyati ishga solinmoqda. 

Viloyat hokimligi matbuot xizmati