Viloyat hokimining oʻrinbosari Qorakoʻl tumanida oʻziga biriktirilgan ishsiz yoshlar va ehtiyojmand oilalar bilan uchrashdi
2025-07-30 19:00:00 / Yangiliklar
Mazkur topshiriqqa asosan viloyat hokimining qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari Jalol Arashovga Qorakoʻl tumanining “Chandirobod” mahallasida yashovchi 20 nafar ishsiz yoshlar biriktirilgan.
Olib borilgan oʻrganishlar davomida bugungi kunda ularning 14 nafarini bandligi taʼminlandi. Shundan, 3 nafari doimiy ishga joylashtirildi, 5 nafariga esa tadbirkorlik faoliyatini boshlashi uchun imtiyozli bank kreditlari ajratildi. Mahalla drayveri supurgichilik ekanligi hamda supurgi tayyorlab sotish boʻyicha rejasi borligini inobatga olib, 6 nafar yoshga uzoq muddatli ijara asosida ekin yeri olib berildi.
Kuni kecha viloyat hokimi oʻrinbosari Jalol Arashov yana bir bor oʻziga biriktirilgan yoshlar bilan uchrashdi. Muloqotda ishsiz yoshlarni tadbirkorlikka jalb qilish, bandligini taʼminlash hamda muammolarini bartaraf etish masalasida fikr almashildi. Yoshlarning har biri bilan alohida suhbat qilinib, muammo va takliflari eshitildi. Ularga tikuv mashinalari va payvandlash uskunasi topshirildi.
Shuningdek, “Chandirobod” mahalla fuqarolar yigʻinida oʻtkazilgan xatlov natijalariga muvofiq sharoiti eng ogʻir deb topilgan 5 ta oila ham viloyat hokimi oʻrinbosariga biriktirilgan. Shu kuni Jalol Arashov oʻziga biriktirilgan ehtiyojmand oilalar xonadonlarida ham boʻldi.
Ularni kamabagʻallikdan chiqarish, mazkur oilalarda yashovchilarning kasb koʻnikmalari, qiziqishlarini oʻrganib, oilalarni kambagʻallikdan chiqarish boʻyicha individual chora-tadbirlar xususida “mahalla yettiligi” bilan fikr almashildi.
Viloyat hokimligi matbuot xizmati