Buxoro viloyati hokimligi

Buning natijasida yuridik isteʼmolchilar elektr tarmoqlari korxonalari tomonidan yetkazib berilayotgan elektr energiyani iqtisod qilish, uning muqobilidan foydalanish maqsadida aholi vakillari oʻz xonadonlariga quyosh batareyalarini oʻrnatib, quyosh energiyasidan foydalanish imkoniyatiga ega boʻlishmoqda.

Bu innovatsion loyiha elektr taʼminotida barqarorlikni taʼminlashga, ekologik toza energiya quvvatlari ishlab chiqarishga yordam bermoqda.

Ana shunday ezgu tashabbusga “Bobur” mahallasi fuqarosi Farhod Hasanov, Oʻtkir Zokirovlar ham oʻz hissasini qoʻshdi. Farhod Hasanov yashash xonadoniga 20 kVt, Oʻtkir Zokirov esa 40 kVt quvvatga ega zamonaviy quyosh panellarini oʻrnatdi. Ushbu tizim nafaqat oila ehtiyojini toʻliq qoplaydi, balki ortiqcha elektr energiyasini davlatga sotish imkonini ham yaratadi.

Quyosh batareyalari orqali ishlab chiqariladigan elektr energiya, aholiga aniq va barqaror taʼminotni taqdim etibgina qolmay, ekologik yoʻnalishdagi muammolarning yechim topishiga, aholining elektr energiyasiga boʻlgan ehtiyojini qondirishga qaratilgan muhim qadam boʻldi.

Quyosh batareyalarining yana bir afzal jihati, joylashtirishning qulayligi va iqtisodiy samaradorligi tufayli ular shaharlar va qishloqlar orasidagi energiya bogʻliqligini kamaytiradi. Qishloq xoʻjaligi va ishlab chiqarish sohasida ish suʼatini oshirishga, elektr energiya liniyalari yetib bormagan, ammo suv chiqishi qiyin boʻlgan yerlarga suv nasoslari orqali suv chiqarish, qoʻshimcha ish oʻrinlari yaratish imkonini beradi.

Viloyat hokimligi matbuot xizmati