Vobkent: “Koʻlxatib” mahallasida zamonaviy bogʻcha qurilmoqda
2025-07-18 18:10:00 / Yangiliklar
Qurilish ishlari “Ideal texno Building” masʼuliyati cheklangan jamiyati bunyodkorlari tomonidan olib borilayotgan 2 qavatli inshootga 4,2 mln. soʻm pul mablagʻi sarflanishi koʻzda tutilgan. Jarayonga 20 nafarga yaqin ishchi va zarur texnikalar jalb etilgan. Ayni paytda qurilish obyektida ichki va tashqi pardozlash, issiqlik tizimlarini bilan taʼminlash ishlari bajarilmoqda.
Loyihaga koʻra, bu yerda yozgi oʻyin maydonchasi, choʻmilish havzasi, futbol maydonchasi, sport va musiqa zallari tashkil etiladi. Xonalar rivojlantiruvchi oʻyinlar va koʻrgazmali vositalar, bolalar oʻz iqtidorini namoyish etishi uchun zarur barcha imkoniyatlar bilan taʼminlanadi. Bogʻchada 15 nafar mutaxassis doimiy ish oʻrniga ega boʻladi.
Mustaqillik arafasida foydalanishga topshirilishi rejalashtirilayotgan ushbu bogʻcha mahalla aholisining ogʻirini yengil qiladi. Zero, bu yerda tashkil etiladigan 3 ta asosiy muddatli guruhda 90 dan ziyod bolaga zamonaviy sharoitlarda taʼlim-tarbiya berish imkoniyati paydo boʻladi.
Viloyat hokimligi matbuot xizmati