Buxoro viloyati hokimligi

Xalq amaliy sanʼati namunalari sifatida kashtachilik-soʻzanachilik, zardoʻzlik kabi chevarlik ishlari oilaviy tadbirkorlikni rivojlantirish, aholi bandligini taʼminlash, xotin-qizlarimizni hunarmandchilikka keng jalb qilish va milliy hunarmandchilik faoliyatini yanada rivojlantirish manbai hamdir. Shu nuqtayi nazardan. tuman oila va xotin-qizlar boʻlimi, hunarmandlar, "Barkamol avlod" markazi, savdo-sanoat palatasi hamkorligida oʻtkazilgan bu koʻrgazmada  hunarmand va tadbirkorlar oʻz faoliyatiga oid qoʻl mehnati namunalari bilan ishtirok etdilar. 

Chevarlik mahsulotlari namoyishida tuman hokimining oʻrinbosari, Oila va xotin-qizlar boʻlimi boshligʻi Nasiba Jumayeva boshchiligidagi faol ayollar, hunarmandlar, chevar qizlar kasanachilikka doir ishlari, tikib tayyorlagan kashta va soʻzanalari bilan qatnashib, tashakkurnoma va esdalik sovgʻalarini qabul qildilar.   
           
—Bu biz hunarmand, chevar kashtadoʻz, soʻzanadoʻzlar uchun oʻziga xos mahorat koʻrigi, ham qadim hunarni ommalashtirishning bir koʻrinishi ham,—deydi tadbirda qatnashgan hunarmandlardan biri Zebiniso Durdiyeva.—Koʻrgazmada turli kashtadoʻzlik namunalari, milliy liboslar, qoʻl mehnati bilan tayyorlangan bezak buyumlari namoyish etildi. Har bir ishtirokchi oʻzining mahoratini, didi va ijodkorligini namoyon qilib, eʼtirofga sazovor boʻldi. 

Koʻrgazma nafaqat madaniy-maʼrifiy ahamiyatga ega boʻldi, balki ayollar oʻrtasida tajriba almashish, oʻzaro muloqot va ruhiy koʻtarinkilik muhitini  yaratdi. Faol ishtirokchilar faxriy yorliq va esdalik sovgʻalari bilan taqdirlandilar. Binobarin, “Kashtalar jilosi” bu faqatgina kashta yoki soʻzana emas, bu ayol mehnati, milliylik, ijod va mehnatsevarlik ifodasidir. 

Viloyat hokimligi matbuot xizmati