Buxoro viloyati hokimligi

 2021-yilda milliy qishloq xoʻjaligini sanoatlashtirish boʻyicha eng yaxshi 100 ta yetakchi korxona orasida 75-oʻrinni egallagan. 

Hozir u Xitoyda 30 ta filialga ega boʻlib, oltita sohani birlashtirgan toʻliq sanoat zanjiri biznes modelini tashkil etadi: paxta urugʻchiligi, paxta ekish, sotib olish va qayta ishlash, toʻqimachilik va kiyim-kechak, qoʻshimcha mahsulotni qayta ishlash va savdo. Kompaniya tarkibida urugʻchilik va yuqori standartli paxta ekish bazasi, paxtani qayta ishlash zavodi, paxta-toʻqimachilik sanoat parki va 2 ta yirik neftni qayta ishlash zavodi mavjud boʻlib, ularda 30 mingdan ortiq kishining bandligi taʼminlangan.  

Albatta, keyingi yillarda mamlakatimizda qishloq xoʻjaligi tarmoqlarini rivojlantirish boʻyicha olib borilayotgan islohotlar tufayli xitoylik ishbilarmon doira vakillari, sarmoyadorlar bilan ham bu borada qator istiqbolli loyihalar amalga oshirilmoqda. Xususan, bu borada “Buxoro agroklaster” MCHJ tomonidan hududda amaliy saʼy-harakat boshlangan. Hozirda mazkur jamiyat va “Xinjiang Lihua Group Co., Ltd” oʻrtasida oʻrnatilgan hamkorlik yaxshi samara bermoqda. Shunga koʻra, klaster tomonidan iqtisodiy oʻsish va aholi bandligini taʼminlashga doir olib borilayotgan ishlar yanada jadallashmoqda.

Investitsion hamkorlik aloqalarini mustahkamlash, yuqori sifatli paxta navlari yetishtirish, yuqori hosildorlikka erishish va yetishtirilgan xom ashyoni chuqur qayta ishlash maqsadida Buxoro viloyati hokimi boshchiligidagi delegatsiya Xitoy Xalq Respublikasiga tashrifi davomida mazkur kompaniyada ham boʻldi. 

Dastlab kompaniya taʼsischisi Chjan Sixay bilan oʻtkazilgan muzokarada Buxoroda gʻoʻza urugʻchiligi, klasterlartomonidan paxta xomashyosini yetishtirishdan tortib to uni chuqur qayta ishlashgacha boʻlgan jarayonlarda ushbu kompaniya tajribasini ommalashtirish masalalari koʻrib chiqildi. 

Muloqotda asosan, mahalliy iqlim sharoitiga mos paxta hosilini yetishtirish va qayta ishlashning murakkabliklari, bu jarayonda taklif qilinayotgan ish uslubi, agrotexnik tadbir va texnologiyalar muhokama qilindi. Bunda hududning infratuzilmasini yaxshilash, texnikalar bilan taʼminlash, sugʻorish texnologiyalari bilan bogʻliq ishlar uchun kiritiladigan sarmoyalarga alohida eʼtibor qaratildi.

Shuningdek, kompaniyaning paxta yetishtirish va uni qayta ishlash texnologiyasi boʻyicha loyiha taqdimoti oʻtkazildi.

Shundan soʻng delegatsiya aʼzolari kompaniyaning goʻza urugʻchiligi maydonlarini koʻzdan kechirishdi. 

Mehmonlarga urugʻlikka tayyorlanayotgan paxta navlari, uning agrotexnologiyasi haqida batafsil maʼlumot berildi.

Shu kuni viloyat delegatsiyasi kompaniyaning paxta qayta ishlash korxonalari faoliyati bilan yaqindan tanishtirildi.

Xitoylik investorlar bilan olib borilgan muzokaralar yakuniga koʻra, loyiha amalga oshiriladigan yer maydonlari ajratilishi va qonunchilik asosidagi faoliyatga doir kelishuvga erishildi.

Viloyat hokimligi matbuot xizmati