Buxoro viloyati hokimligi

Umumiy aholi sonidan xotin-qizlar qariyb 53 ming kishini tashkil qilmoqda. Iqtisodiy ahvoli, xonadonlar moddiy manfaatdorligiga binoan ajratilgan toifaga nazar solsak, oʻtgan yil boshidan hududdagi 38 ta mahallaning 20 tasi “sariq”, 18 tasi “yashil” koʻrsatkichga ajratilgan va odamlar ijtimoiy muhofazasiga doir tizimli chora-tadbir olib borilmoqda. 

Uyma-uy yurib oʻrganishlar va xatlovlar natijasida hududdagi Usmonshayx, Gʻanchi Chandir, Oʻzbekiston, Kattabayot, Opshoq, Shayxlar, Davlatboy kabi oʻnga yaqin qishloqda ishsizlik darajasini kamaytirish choralari koʻrilmoqda. Shu bois, joylarda tashabbuskor tadbirkorlar istiqbolli loyihalarini amalga oshirishga eʼtibor kuchaytirilgani aholi farovonligi, bandlik darajasi oshishi va mahallalar ijtimoiy-iqtisodiy rivojiga xizmat qilmoqda. 

Bunga “Bunyodkor” MFY da yashovchi Baxtiyor Rahmonovning tashabbuskorligi ham yorqin misoldir. U oʻz uyida shirinliklar sexini tashkil etib, oilaviy tadbirkorligi ortidan bir necha qishloq ayoli bandligi va moddiy manfaatdorligini taʼminlamoqda. Shirinlikpazlar ayni paytda 30 turdan ortiq mahsulot, holva, pryanik, tortlarni tayyorlab, hududdagi oʻndan ortiq savdo doʻkoni orqali aholi dasturxoniga yetkazib berishmoqda. 

Shu bilan birga, mazkur sex mahsulotlariga buyurtma soni oshayotgani ortidan toʻy-maʼrakalarga ham maxsus shirinliklar va tortlar tayyorlab berilmoqda. Kichik korxona jamoasi bir kunda 2-4 million soʻmlik, bir oyda 70 million soʻmlikka teng mahsulot—shirinliklar pishirib, barqaror ishlab daromadga erishmoqda. Tadbirkor tomoni Baxtiyor Rahmonov esa yaqin oylarda ish  faoliyatini kengaytirish, yangi bino qurib, zamonaviy texnologiyalar bilan jihozlash, ishchilar soni va mahsuldorlikni oshirishni moʻljallamoqda.

Oilaviy tadbirkorlik ishi, yuqoridagi faoliyatdan kelib chiqib xulosa qilsak, har bir hududda shunday tashabbuskor biznes vakillari koʻpaysa, mahalla va qishloqlar yanada obod va xonadonlar daromadli boʻlib boraveradi. 

Viloyat hokimligi matbuot xizmati