Buxoro viloyati hokimligi

Shuningdek, 24-sonli maktabgacha taʼlim tashkiloti hududda yuzga yaqin jajji oʻgʻil-qizni oʻz bagʻriga olgan. Oʻtgan yili aynan 41-sonli ixtisoslashgan davlat umumtaʼlim maktabining 330 oʻrinli oʻquv binosi qurib foydalanishga topshirilgan boʻlsa, xuddi shunday, mahalla ahli vodoprovodlashtirilgan suv tarmogʻidan bahramand boʻlmoqda. Shu qatorda aholi talabidan kelib chiqqan holda mahalla ichki yoʻllarini shagʻallashtirish va asfaltlashtirishga eʼtibor qaratilgan. 

Tuman yoʻllardan foydalanish unitar korxonasidan olingan maʼlumotga binoan, ishlab chiqilgan dastur asosida joriy yil birinchi yarmida hudud miqyosida  25 kilometr ichki qishloq yoʻlini asfaltlashtirish va 91 kilometr tuproq yoʻlni shagʻallashtirish ishlari toʻla-toʻkis yakunlanmoqda.  Shu qatorda, mazkur tasdiqlangan dasturga muvofiq chekka qishloqlarda 41  kilometr yoʻlni mukammal taʼmirlash chora-tadbiri allaqachon boshlangan.

Shu kunlarda jumladan, “M-37” rusumli "Samarqand—Buxoro—Turkmanboshi" avtomobil yoʻlining 326-kilometridan boshlab Bandboshi mahallasiga olib boruvchi umumfoydalanuvdagi yoʻlning 7,4 kilometrida  asfaltlashtirish ishlari boshlab yuborilgan. Bu yoʻl qismida borayotgan yoʻl asosini tayyorlashv va asfaltlashtirish jarayonida yoʻlsoz ishchi-mutaxassislardan yigirmaga yaqini jonbozlik koʻrsatishmoqda.  

Ayni kunda tumanning 50 ta mahalla fuqarolar yigʻini va ulardagi qishloqlarda avvalo yoʻl infratuzilmasini yaxshilash, aholi talab va takliflariga binoan ravon yoʻlni hozirlash, qatnovni tartibga solish va yoʻl belgilarini, tungi yoritish chiroqlarini oʻrnatish ishlari davom ettitirlmoqda. 

Viloyat hokimligi matbuot xizmati