Romitan: boʻsh ish oʻrinlari mehnat yarmarkasi yoshlar va ishsizlarga foydali boʻldi
2025-05-30 11:20:00 / Yangiliklar
Romitan tumani hokimligi hamda tuman Kambagʻallikni qisqartirish va bandlikka koʻmaklashish boʻlimi bilan hamkorlida oʻtkazilgan mehnat yarmarkasida tumandagi korxona, tashkilot va muassasalar oʻzlaridagi 625 ta, shuningdek, viloyat markazidagi “Artel” kompaniyasi 400 ta boʻsh ish oʻrni bilan ishtirok etishdi.
Bu mehnat yarmarkasiga tumandagi barcha maxalla fuqarolar yigʻinlari vakillari, tashqi mehnat migratsiyasidan qaytgan fuqarolar, ishsiz ayollar va yoshlar jalb qilindilar. Korxona va tashkilotlardan qatnashgan masʼul vakillar oʻzlarida mavjud boʻsh ish oʻrinlari haqida batafsil maʼlumot berib, tanlovni qabul qilgan yoshlar bilan targʻibot-tashviqot ishlarini olib bordilar.
Shu kunlarda yarmarka doirasida yuzga yaqin ishsiz fuqaro qatnashib, shulardan 42 nafari “Artel” kompaniyasi korxonasida ishlash istagini bildirdi. Ular uchun shu kunning oʻzida korxona faoliyati bilan yaqindan tanishish maqsadida transport tashkil qilindi.
“Mehnat yarmarkasi” davomida tumandagi tijorat banklari tomonidan imtiyozli kredit paketlari vositasida yuk tashish mototsikllari, multi traktorlar, ayollar sartaroshlik anjomlari, novvoyxona minitexnologiyasi, tikuv mashinalari va bir nechta turdagi texnikalar taklif qilinib, shu joyning oʻzida tanlov qabul qilgan fuqarolarga rasmiylashtirib berildi.
Bundan tashqari, “Artel” kompaniyasi vakillari ishtirokida viloyatdagi korxonasining gaz plitasi, mini pech, shtampovka, vityajka-dudboʻroni ishlab chiqarish korxonalariga oliy, oʻrta maxsus va oʻrta maʼlumotga ega, masʼuliyatli va kasbiy koʻnikmalarini rivojlantirmoqchi boʻlgan talabgorlarni ishga qabul qilishga doir amaliy koʻrgazmali seminar tashkil qilindi.
Viloyat hokimligi matbuot xizmati