Buxoro viloyati hokimligi

Shu nuqtayi nazardan, mahalla va qishloqlarda yashovchi aholi talab va istaklari, murojaatlarini inobatga olingan holda tashkil etilayotgan yangi xizmat koʻrsatish markazi turli xil ijtimoiy maslahatlar, maishiy va maʼmuriy masalalarni hal etilishida amaliy yordam olish uchun universal maskan boʻlishi belgilangan.  

“Shanba” mahallasida zamonaviy va koʻrkam koʻrinishda bunyod etilgan maskan uchun ham 20 sotix yer maydoni ajratilgan boʻlib, mahalla ahlining kundalik duch kelayotgan tashvishini yengillatish, mushkulini oson qilish,  turmushini yaxshilashga xizmat qiladi. Markaz binosining yerosti qavatida meva va sabzavotlarni saralash va qadoqlash uchun maxsus joy, yordamchi xonalar, birinchi qavatda esa ayollar va erkaklar uchun alohida sartaroshxona, dorixona, bank vakillari uchun maʼmuriy xonalar, MFY raisi hamda hokim yordamchisi, xotin-qizlar faoli, yoshlar yetakchisi, ijtimoiy xodim, profilaktika inspektori uchun xonalar ham tashkil etilgan. 

Shuningdek, bu yerda davlat xizmatlari markazi bilan birga tashabbuskor tadbirkorlarning qandolat sexi va savdo doʻkoni faoliyati ham yoʻlga qoʻyilmoqda. 

Inshootning ikkinchi qavati asosan oʻquv markaziga ajratilgan boʻlib, unda kasb-hunarga yoʻnaltirish, kimyoviy tozalash xizmati, fitnes zali kabilar oʻrin olgan. Uchinchi qavatda esa chevarlar tikuv sexi, maishiy texnika ustaxonasi va yoshlar markazi faoliyati yoʻlga qoʻyilmoqda. 

Umuman, qiymati 4 milliard 700 million soʻmga moliyalashtirilgan mazkur loyiha—mahalla maishiy xizmat koʻrsatish markazida 20 nafardan ortiq fuqaro, asosan yoshlar bandligi taʼminlanmoqda. Mazkur markazning ochilish marosimida homiy sifatida Islom taraqqiyot banki, shuningdek, respublika Iqtisodiyot va moliya vazirligi vakillari, tuman hokimligi masʼul mutasaddilari, mahalla faollari hozir boʻldilar. 

Viloyat hokimligi matbuot xizmati