Buxoro viloyati hokimligi

Holbuki, ikki yil burungi mavsumda bu ko‘rsatkich 265 tani tashkil etgan va davlat omboriga fermer xo‘jaliklari tasarrufidagi 5092 gektar yer maydonidan davlat shartnoma rejasiga muvofiq 13 ming tonnaga yetkazib sifatli bug‘doy yetkazib berilgan. 

Aholi iste’moli, talab va ehtiyoj oshib borayotgani hisobidan joriy yil mavsumida tumanda bug‘doy ekib yetishtirilgan maydon hajmi 5462 gektarga yetkazilgan va bu yer maydoni o‘tgan yilgisidan 370 gektarga kengroq. Shu kunlarda esa dalada rizq-ro‘zimiz manbai—sara bug‘doy hosili pishib yetilmoqda. Uni nest-nobud qilmasdan o‘rib-yig‘ib olish, omborlarda yig‘ib saranjomlash dolzarb ahamiyatga ega mavsum. 

Tuman g‘allakor mehnatkashlari bu yilgi yalpi xirmonni 32 ming tonnaga yetkazish maqsadida astoydil ter to‘kmoqdalar. Shundan 2964 tonna sara bug‘doy urug‘likka qabul qilinishi mo‘ljallangan. Buning uchun mas’uliyati cheklangan jamiyati shaklidagi "Agroservis Galaosiyo MTP"da joriy yilgi g‘alla o‘rish mavsumida qatnashadigan texnika vositalari, jumladan, 16 ta yuqori unumli kombayn agregati texnik ko‘rikdan o‘tkazilib, nuqson dalolatnomalari asosida ular ta’mirdan chiqarilib, o‘rim-yig‘imga shay holatga keltirilmoqda. Hosilni omborga tashib olish uchun esa o‘rim kunlarida har bir kombaynga 5 tadan tashuvchi transport vositasi ham jalb qilinmoqda.  

Tumanda dolzarb palla — bug‘doy o‘rim-yig‘imiga hozirlik, kombayn va boshqa texnika vositalari shayligi bugun viloyat hokimi Botir Zaripov tomonidan ko‘zdan kechirildi. 

Shu yerda viloyatda o‘rimyig‘imga tayyorgarlik masalalari keng muhokama qilindi. Mavjud kamchiliklarni bartaraf etish yuzasidan soha rahbarlari va mas’ullariga tavsiya va topshiriqlar berildi.

"Agroservis Galaosiyo MTP" MCHJ da g‘alla o‘rimiga jalb qilinadigan agregat va boshqa mexanizmlar texnik ko‘rikdan o‘tkazilib, hademay o‘rimga tushadigan kombayn operatorlari va mexaniklarga rag‘batlantirish o‘rnida pul va kundalik zarur oziq-ovqat mahsulotlari tarqatildi. 

Viloyat hokimligi matbuot xizmati