Buxoro viloyati hokimligi

Shu kunlarda Buxoro viloyati madaniyat boshqarmasi boshligʻi Sherzod Tilavov boshchiligidagi delegatsiya Rossiya Federatsiyasining Chelyabinsk viloyatida xizmat safarida boʻlib, Buxoro hamda Chelyabinsk viloyatlari oʻrtasidagi oʻzaro madaniy hamkorlik rishtalarini yanada rivojlantirishga doir muzokaralar olib borishmoqda.

Millatlararo doʻstlikning yorqin koʻrinishi sifatida ijodiy hamkorlikka doir bu muloqotlar Oʻzbekiston va Rossiya oʻrtasidagi madaniy aloqalarning yanada mustahkamlanishiga xizmat qilishi bilan ahamiyatli. Buxoro viloyati madaniyat muassasalari va Rossiyaning nufuzli sanʼat tashkilotlari oʻrtasida hamkorlik memorandumlari imzolandi. Bu memorandumlar ikki mamlakat oʻrtasidagi doʻstlik va hamkorlikni mustahkamlovchi yangi poydevor boʻlib xizmat qiladi.  

Chelyabinsk davlat filarmoniyasi bosh direktori A. Pelymskiy va Buxoro viloyat filarmoniyasi direktori R. Avezov tomonidan imzolangan memorandumda oʻzaro tajriba almashinuvi, sanʼat festivallarida ishtirok, ijodiy safarlar belgilandi. Jumladan, gastrol safarlarini tashkil etish, master-klasslar va mahorat darslarini oʻtkazish, qoʻshma spektakllar va sanʼat tadbirlarini uyushtirish kabi masalalar muhokama qilindi.

Umuman, Chelyabinsk shahridagi uchrashuv va muzokaralar konstruktiv ruhda oʻtdi. Kelgusidagi amaliy hamkorlik chora-tadbirlari oʻzaro kelishib olindi. 

Viloyat hokimligi matbuot xizmati