Viloyat hokimligida “Ijro.gov.uz” tizimi samaradorligini oshirish yuzasidan iqtisodiy oʻquv tashkil etildi
2025-01-24 11:25:00 / Yangiliklar
Shu nuqtayi nazardan, bugun viloyat hokimligida adliya boshqarmasi bilan hamkorlikda “Oʻzbekiston Respublikasi Prezidentining 2024-yilda “Ijro.gov.uz” tizimida qoʻyilgan nazorat topshiriqlari ijrosi samaradorligi yakunlari, aniqlangan kamchilik va muammolar, shuningdek, bu boradagi ishlar samaradorligini oshirish chora-tadbirlari yuzasidan viloyat hokimligi boshqaruv apparati tarkibiy boʻlinmalari rahbarlari va mutaxassislarining kelgusida ijro intizomini mustahkamlash boʻyicha shaxsiy masʼuliyati” mavzusidagi iqtisodiy oʻquv tashkil etildi.
Seminar trening koʻrinishida tashkillashtirilgan oʻquvda viloyat studiyasidan viloyat hokimligi boshqaruv apparati masʼul xodimlari, shuningdek, shahar va tumanlar hokimliklari boshqaruv apparatlari masʼul xodimlari ZOOM platformasi orqali ishtirok etdilar.
Viloyat hokimligi boshqaruv apparati tashkiliy-kadrlar guruhi rahbari Izzatillo Maxmudov olib borgan iqtisodiy oʻquvda viloyat adliya boshqarmasi boshligʻining birinchi oʻrinbosari Sherzod Baxronov, viloyat hokimligi boshqaruv apparati ijro intizomi nazorat boʻlimi boshligʻi Umid Qoʻshshayev, “UNICON SOFT” MCHJ Buxoro filiali direktori Bexruz Axmedovlar “Ijro.gov.uz” tizimida qoʻyilgan nazorat topshiriqlari ijrosi samaradorligi, bu borada aniqlangan kamchilik va muammolar, shuningdek, bunda samaradorlikni oshirish chora-tadbirlari yuzasidan viloyat hokimligi boshqaruv apparati tarkibiy boʻlinmalari rahbarlari va mutaxassislarining shaxsiy masʼuliyatini oshirishga doir batafsil axborot berdilar.
Taʼkidlanganidek, ijro holatini respublika rahbariyati huzurida har haftada ikki marta muntazam muhokama qilib borilayotgani maqsadga muvofiqligi, bu jarayonda qonunchilik hujjatlari va topshiriqlarning mazmun-mohiyatini tushuntirish, targʻibot ishlarini oʻtkazish, hududlarda ijrosini tashkil qilish, hamda jamoatchilik nazoratini yoʻlga qoʻyish borasidagi vazifalarga alohida eʼtibor qaratildi.
Seminar davomida ishtirokchilar, shuningdek, shahar va tumanlar studiyalaridan qatnashgan masʼullar kun tartibidagi dolzarb masala va uning mazmun-mohiyati, faoliyat davomida joriy qilinayotgan yangiliklar, qiyinchilik tugʻdirayotgan baʼzi holatlar yuzasidan masʼullardan oʻzlarini qiziqtirgan savollarga atroflicha javob oldilar.
Viloyat hokimligi matbuot xizmati