Buxoro viloyati hokimligi

Hayʼat majlisida boshqarma boshligʻi, adliya katta maslahatchisi O.Mardonov oʻtgan 2024-yil davomida amalga oshirilgan ishlar hamda yoʻl qoʻyilgan xato va kamchiliklarga atroflicha toʻxtalib oʻtdi.

Qayd etilishicha, 2024-yil davomida Byuroning viloyat boshqarmasi va hududiy boʻlimlari ish yurituviga 7,0 trln. soʻmlik 471. 785 ta ijro hujjatlari qabul qilinib, 4,5 trln. soʻmlik 318.443 tasi tamomlanib, shundan 2,3 trln. soʻm (2023-yilda 1,7 trln. soʻm) amalda undirilishi taʼminlangan.

Ayniqsa, aholining ijtimoiy himoyaga muhtoj qatlamini qoʻllab quvvatlash maqsadida “Temir daftar”, “Ayollar daftari” va “Yoshlar daftari” jamgʻarmalariga 56,2 mlrd. soʻm mablagʻlar oʻtkazilgan.

Davlatga undiruv bilan bogʻliq 349.090 ta ijro hujjatlarini 244.763 tasi (1,7 trln. soʻm)ni  ijrosi tamomlanib, shundan 202.785 ta hujjatlar boʻyicha 893,7 mlrd. soʻm mablagʻlar amalda undirilishi taʼminlangan.

Banklar foydasiga qarz undirish bilan bogʻliq 15.447 ta ijro hujjatlaridan 8.528 tasining ijrosi tamomlanib, 848,3 mlrd. soʻm amalda undirib berilgan. 

Qarzdorlar nomidagi 906,4 mlrd. soʻmlik 958 ta mol-mulklar xatlanib, ularning 810,2 mlrd. soʻmlik 894 tasi sotuvga chiqarilishi taʼminlangan.

Ijobiy natijalar bilan birga bir qator kamchiliklarga ham yoʻl qoʻyilganligi koʻrsatib oʻtilib, kamchiliklarga qoʻl qoʻygan xodimlarga nisbatan intizomiy jazo choralari koʻrish taklif qilindi.

Hayʼat yigʻilishida raislik etuvchi ijro hujjatlarini qonunda belgilangan muddatlarda hal etilishi, qoldiqdagi hujjatlar sonini keskin kamaytirish ustidan qatʼiy nazorat oʻrnatish, bu borada barcha xodimlarning masʼuliyatini yanada oshirish zarurligini qayd etdi.

Hayʼat yigʻilishida koʻrilgan masalalar yuzasidan tegishli qaror qabul qilindi.

Byuroning Buxoro viloyat boshqarmasi