“Oʻzbekiston – 2030” strategiyasi mazmun-mohiyatiga bagʻishlandi
2024-12-06 15:05:00 / Yangiliklar
Keng jamoatchilikka yaxshi maʼlumki, mamlakatimiz Prezidenti Shavkat Mirziyoyev tomonidan joriy yil 21-fevral kuni “Oʻzbekiston – 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisida”gi 37-sonli Farmoni tasdiqlangan. Mazkur dasturiy hujjat mamlakatimiz taraqqiyoti, xalqimiz farovonligi, ijtimoiy-iqtisodiy rivojlanish surʼatlarini yangi bosqichga olib chiqishga qaratilgan.
Mazkur Farmon bilan tasdiqlangan Davlat dasturi 5 ta ustuvor yoʻnalishni oʻzida mujassam etgan boʻlib, jami 100 ta muhim maqsadni ilgari suradi. Shundan, 44 ta maqsad—har bir insonga oʻz salohiyatini roʻyobga chiqarishi uchun munosib sharoitlarni yaratishga, 17 ta maqsad—barqaror iqtisodiy oʻsish orqali aholi farovonligini taʼminlashga, 12 ta maqsad—suv resurslarini tejash va atrof muhitni muhofaza qilishga, 16 ta maqsad—qonun ustuvorligini taʼminlash, xalq xizmatidagi davlat boshqaruvini tashkil etishga, 11 ta maqsad—“Xavfsiz va tinchliksevar davlat” tamoyiliga asoslangan siyosatni izchil davom ettirishga qaratilgani bilan ahamiyatli.
Bu borada Davlatimiz rahbarinig 2023-yil 11-sentyabrdagi 300-sonli qaroriga muvofiq Respublika Vazirlar Mahkamasining 2023-yil 29-dekabrdagi “Oʻzbekiston – 2030” strategiyasini Buxoro viloyatida sifatli va oʻz vaqtida amalga oshirish chora-tadbirlari toʻgʻrisida”gi qarori qabul qilingan boʻlib, shu asosida viloyat hokimining 2024-yil 6-yanvardagi tegishli qarori ham qabul qilingan.
Bugun viloyat hokimligida boʻlib oʻtgan yigʻilish yurt ravnaqi uchun strategik ahamiyatga ega yuqoridagi Farmon mazmun-mohiyati va uning viloyatimizdagi ijrosini taʼminlash masalalariga bagʻishlandi. Tadbirda viloyat Adliya boshqarmasi boshligʻining oʻrinbosari Sherzod Baxronov, viloyat hokimligi axborot-tahlil guruhi bosh mutaxassisi Zavqiddin Aslonovlar maʼruzalari tinglandi.
Taʼkidlanganidek, yuqoridagi Farmon ijrosi yuzasidan viloyat hokimining 2024-yil 2-martdagi tegishli qarori qabul qilingan. Qaror ijrosi doirasida joriy yilga moʻljallangan 5 ta yoʻnalish, 72 ta maqsadni oʻz ichiga olgan 138 ta banddan iborat yoʻnalishlar kesimidagi amaliy tadbirlar rejalari, shuningdek, 12 ta maqsadni oʻz ichiga olgan 14 ta banddan iborat.
yoʻnalishlar kesimida hamkorlikda ishlab chiqiladigan normativ-huquqiy hujjatlar loyihalaridan iborat Buxoro viloyati dasturi tasdiqlangan.
Shu bilan birga yil davomida, doimiy, mavsumiy, mumtazam va reja asosidagi topshiriqlar ijrosi boʻyicha ham monitring yoʻlga qoʻyilgan. Bu borada viloyatda amalga oshirilayotgan ishlar toʻgʻrisida belgilangan muddatlarda Adliya vazirligi, “Taraqqiyot strategiyasi” markazi va “Yuksalish” umummilliy harakatiga tegishli maʼlumotlar kiritib borilmoqda.
Viloyat hokimligi matbuot xizmati