Buxoro viloyati hokimligi

Qabulda viloyat hokimining o‘rinbosari Firuza Ibragimova, tuman ma’muriy sektorlari rahbarlari, tuman Xalq qabulxonasi, viloyat hamda tumandagi mas’ul korxona, tashkilotlar mutasaddilari ishtirok etishdi. 

Sayyor qabulga kelgan 70 nafar xotin-qizning murojaatlarini shaxsan qo‘mita raisi o‘rinbosari tinglab, tegishli tashkilot va idoralarga murojaatlarni hal etish yuzasidan topshiriq va tavsiyalarini berdi. Qabulda xotin-qizlarning uy-joy ta’miri, bandligini ta’minlash, oliy ta’lim kontrakti, tibbiy yordam, tadbirkorlik faoliyatiga ko‘maklashish, subsidiya ajratish va oila-turmush masalasidagi nizolari yuzasidan murojaatlari eshitilib, zarur chora-tadbirlar belgilandi. 

Sayyor qabulda o‘z muammolari bilan murojaat qilgan fuqarolardan 13 nafari  Buxoro shaxridagi “Artel” kompaniyasi korxonasiga ishga joylashtirildi, 2 nafar ehtiyojmand ayolning uy-joyi “Ayollar daftari” jamg‘armasi hisobidan ta’mirlab beriladigan bo‘ldi. Shuningdek, bir nafar fuqaroga nogironlik nafaqasi tayinlandi. Qolaversa, 3 nafar fuqaroning davolanishi uchun order berilgan bo‘lsa, yana 7 nafar fuqaroga imtiyozli kredit mablag‘i ajratish uchun hokim yordamchilari tomonidan tavsiyanomalar tayyorlab berildi. 

Sayyor qabul tufayli nogironligi mavjud bo‘lgan 6 nafar fuqaroga reablitatsiya vositalari berildi. Shuningdek, 4 nafar "Ayollar daftari"ga kiritilgan xotin qizga Kambag‘allikni qisqartirish va bandlikka ko‘maklashish markazi tomonidan subsidiya asosida tikuv mashinkalari yetkazib berilgani qulay imkoniyat bo‘ldi. Imtiyozli kredit asosida 2 nafar fuqaroga motokultivator uskunasi berilgani, 3 nafar oliy ta’lim muassasalarida tahsil olayotgan yosh qizlarimizning to‘lov shartnomalari "Yoshlar daftari" orqali to‘lab berilayotgani ular uchun yana bir imkoniyat. 

Bundan tashqari, 4 nafar boquvchisini yo‘qotgan, ota-onasi vafot etgan xotin-qizga belgilangan tartib asosida shartnoma to‘lovlarini to‘lab berish uchun sertifikatlar berilgan bo‘lsa, 2 nafar fuqaroning aliment masalasi, gaz, elektr ta’minoti, kadastr bo‘yicha qilingan murojaatlari ham tegishli tashkilotlar tomonidan joyida bartaraf etilgani maqsadga muvofiqdir. 

Yana bir jihati, sayyor qabulda Yosh kelin-kuyovlarni o‘qitish markazida tahsil olayotgan 13 nafar juftlik bilan "Muqaddas oila" mavzusida seminar-treninglar o‘tkazilib, o‘quvni tugatgan bo‘lg‘usi oila vakillariga sertifikatlar berildi. Shu kuni sudda ajrim masalasida ariza bergan 5 ta oila bilan yarashtirish ishlari olib borilgani natijasida 3 ta oila yarashtirishga erishildi.

***

O‘zbekiston Respublikasi Oila va xotin-qizlar qo‘mitasi raisining o‘rinbosari Mukarram Nurmatova viloyatga xizmat safari doirasida Romitan tumani "BCT" klasterining "O‘ba" mahallasidagi fermer xo‘jaliklari paxta dalalarida bo‘lib, terimda katta xirmonga munosib hissa qo‘shayotgan xotin-qizlar huzurida ham bo‘ldi.  “Oq oltin”ni nest-nobud qilmasdan saranjomlab, yig‘ishtirib olishda jonbozlik ko‘rsatayotgan chevar xotin-qizlardan bir guruhiga esdalik sovg‘alari ulashildi.

Viloyat hokimligi matbuot xizmati