Buxoro viloyati hokimligi

Mazkur loyiha amaliyotida buyurtmachi Avtomobil yo‘llari qo‘mitasi tasarrufidagi “O‘zavtoyo‘linvest” davlat agentligidir. Loyihada bosh pudratchi sifatida Xitoyning “China Railway 20 Bureau Group Corporation” kompaniyasi zamonaviy va mustahkam yo‘l qurish mas’uliyatini zimmasiga olgan. 

Xalqaro yo‘l qurish me’yor-qoidalariga muvofiq, bajarilgan ish sifati, yo‘l qurilish-montaj ishlari ustidan texnik nazoratni Koreya Respublikasining "Dohwa Engineering Co., Ltd" injener konsalting kompaniyasi olib bormoqda. Ayni paytda zamonaviy texnika va mexanizmlardan foydalanayotgan xorijiy yo‘lsozlar jamoasi bu uchastkalar yo‘l qismini betonlashtirish ishlarini yaqin bir oyda yakunlab, ravon yo‘lni foydalanishga topshirish harakatidalar.   

Umuman, bugunga kelib Peshku tuman Yo‘llardan foydalanish unitar korxonasi tasarrufida mahalliy ahamiyatdagi umumfoydalanuv avtomobil yo‘li uzunligi 306 kilometrga teng bo‘lib, o‘tgan yil davomida bajarilgan 3,5 milliard so‘m qiymatdagi  ta’mirlash-tiklash va qariyb 2,5 milliard so‘mga teng saqlash ishlari bilan bir qatorda, yo‘llarda harakat qatnashchilari, yo‘lovchi va haydovchilar xavfsizligini ta’minlash maqsadida 550 metr masofadagi piyodalar yo‘lagi qurib foydalanishga topshirilgan.  Shuningdek, hududdagi avtomobil yo‘llarida yuzdan ziyod eskirgan, yaroqsiz yo‘l belgisi yangisiga almashtirilgan. 

Bundan tashqari, yo‘lsozlar jamoasi tuman hududidagi jami 86 ta ko‘prik sozligiga ham bevosita mas’uldirlar. Shu bois, so‘nggi bir yil davomida ta’mirtalab holga kelgan 5 ta ko‘prikda qiymati 3 milliard so‘m atrofida qayta qurish va rekonstruksiya ishlari amalga oshirilgani bu borada erishilgan yutuqlardan, albatta. 

Viloyat hokimligi matbuot xizmati