Buxoro viloyati hokimligi

— Shu yil bahor oylarida nomukammal otogenez suyaklar sinuvchanligi, o‘ng son suyagi yopiq sinishi tashxisi bilan kasalxonaga yotqizilgan bemor, Buxoro shahrining Mustaqillik ko‘chasi, 14/5-uyda yashovchi, 2019 yilda tug‘ilgan Sh.P. tayanch-harakat a’zosidagi shikastlanishdan xalos bo‘lishi uchun xorijda jarrohlik amaliyotini aynan rossiyalik professor Akshin Bagirov qo‘li ostida boshidan o‘tkazgan, — deydi respublika Shoshilinch tibbiy yordam ilmiy markazi Buxoro filiali bolalar jarohatlari bo‘limi travmatologi Bobir Muhammedov. — Bemor son suyagini tiklash maqsadida vaqtinchalik metall stend qo‘yilgan. Bugunga kelib rossiyalik yuqori malakali travmatolog o‘zi rahbarligida o‘tkazilgan jarrohlik amaliyoti samarasini bilish, qolaversa, bu borada Buxoroda amalga oshirilayotgan ish uslubi bilan yaqindan tanishish maqsadida viloyatimizga keldi.

Murakkab operatsiyani boshidan kechirgan bemor bolaning oyog‘idagi metall stend olib tashlandi. Hozirda uning kayfiyati yaxshi, ahvoli qoniqarli. Ayni damda oyog‘i son qismidan olib tashlangan moslama o‘rni bitgunicha bir muddat gipsda qoladigan bo‘ldi. Rossiyalik vrach travmatolog A. Bagirov esa filialning kattalar travmatologiya bo‘limida yotgan bemorlar holidan xabar olib, ularda qo‘llanilayotgan davo usullari bilan qiziqdi. Mahalliy ortoped-travmatolog hamkasblari bilan o‘zaro tajriba almashdi.

Viloyat hokimligi matbuot xizmati