Buxoro viloyati hokimligi

Ayniqsa, mahallada xotin-qizlarni ish bilan ta’minlash, ularning iqtisodiy faolligini oshirish, ta’lim va sog‘liqni saqlash sohalaridagi imkoniyatlarini kengaytirish orqali oilalar farovonligini ta’minlashga qaratilgan chora-tadbirlar jamiyat barqarorligi uchun muhim omil hisoblanadi. Chunki xotin-qizlar ijtimoiy hayotda faol ishtirok etgan jamiyatda sog‘lom oila muhiti shakllanadi, yosh avlod tarbiyasi mustahkamlanadi va inson kapitali sifati oshadi.

Murojaatnomada xotin-qizlar tadbirkorligini qo‘llab-quvvatlash uchun moliyaviy resurslarni kengaytirish, kredit va subsidiyalar ajratish, mahallalarda ular uchun yangi ish o‘rinlari yaratish vazifalari belgilab berilgani xotin-qizlarning iqtisodiy mustaqilligini ta’minlashga xizmat qiladi. Bu esa kambag‘allikni qisqartirish, ijtimoiy tenglikni ta’minlash va barqaror taraqqiyotga erishishda muhim ahamiyat kasb etadi.

Xulosa qilib aytganda, xotin-qizlarga qaratilgan islohotlar faqatgina bir ijtimoiy guruh manfaatini emas, balki butun jamiyat taraqqiyotini ta’minlashga qaratilgan strategik yo‘nalish hisoblanadi. Shu ma’noda, xotin-qizlarni qo‘llab-quvvatlash, ularning bilim, mehnat va tadbirkorlik salohiyatini to‘liq ro‘yobga chiqarish Yangi O‘zbekistonni barpo etish yo‘lidagi eng muhim ustuvor vazifalardan biri bo‘lib qoladi.

Hafiza Artikova,
viloyat hokimi o‘rinbosari, Oila va xotin-qizlar boshqarmasi boshlig‘i