Kogon: “Sultonobod” va “Choʻkati” ariqlarioʻzani betonlashtirilmoqda
2025-12-04 21:15:00 / Yangiliklar
Shu maqsadda soʻnggi ikki yilda hududdagi ariq va kanallardan 115 kilometr oʻzani betonlashtirilgan boʻlsa, oʻnlab fermer xoʻjaliklari, shuningdek, aholi tomorqa yerlarini sugʻorish imkoniyati yaxshilandi. Tuman irrigatsiya boʻlimi tasarrufidagi tarmoqlar esa 65 kilometrni tashkil etib, shundan 61 kilometrga teng ariq oʻzani betonlashtirilgan.
Bu chora-tadbir tumanda sugʻorish kanallari suv oʻtkazuvchanligini yaxshilash, “obi hayot” isrofgarchiligini qisqartirish, ariqlar va kanallarni betonlashtirish orqali mahsulot ekib yetishtirish hajmini oshirish maqsadida olib borilmoqda. Shu kunlarda Bahouddin Naqshband mahallasidan oqib oʻtuvchi "Yamchi-Usmonobod-Merishim", “Beklar mahallasidan oqib oʻtuvchi "Katta machit-Quyi xomi-Xoʻja fayz" hamda Kogon mahallasidan oqib oʻtuvchi "Sultonobod" ariqlarining 9 ming metrga yaqin qismida “Islom taraqqiyot banki” va OPEK xalqaro jamgʻarmasi bilan hamkorlikda betonlashtirish ishlari olib borilmoqda.
Xuddi shunday, mahalliy dastur asosida Kogon tuman suv yetkazib berish xizmati Davlat muassasasi ishchi kuchi tomonidan “Choloki” mahallalasidan oqib oʻtuvchi "Kurjan" arigʻining 400 myetr qismida ham suv oʻzanini betonlashtirish ishlari nihoyalanmoqda. Bu manzildagi ishlarda pudratchi subekt "Buxoro gidrotexnika" MCHJ ishchi-mutaxassislari jonbozligi bor. Shu bilan birga, ayni paytda “Choʻkati-2” kanali oʻzanining 1 ming metrdan oshiq qismi ham betonlashtirilmoqda. Sugʻorish tarmogʻi shayligi suv ravon oqib daladagi oʻsimlikka yetib borishi, parvarish davri risoladagidek oʻtishining garovidir.
Viloyat hokimligi matbuot xizmati