Botir Zaripov Turkiyaning Sogʻlik bilimlari universiteti rektori Kemalittin Aydinni qabul qildi
2025-12-04 19:05:00 / Yangiliklar
Taʼkidlash lozimki, Buxoro davlat tibbiyot instituti va Sogʻlik bilimlari universiteti oʻrtasidagi hamkorlik 2019-yildan buyon izchil rivojlanmoqda. Aniqrogʻi, 2019-yilda ikkala davlat sogʻliqni saqlash vazirliklari oʻrtasida tuzilgan anglashuv memorandumiga asosan, 2019-2020-oʻquv yilidan Buxoro davlat tibbiyot instituti huzurida Turkiyaning sogʻliq bilimlari universiteti fakulteti va Malakali tibbiy xizmatlar maktabi joriy etilgan edi. ib, talabalar va oʻqituvchilarning ilmiy almashinuvi borasida faol ish olib borilmoqda. Keyinchalik Buxoro davlat tibbiyot instituti bazasida Sogʻliq bilimlari universitetining Ibn Sino nomidagi tibbiyot fakulteti hamda hamshiralarni tayyorlash boʻyicha Malakali tibbiy xizmatlar Oliy maktabini ochish yuzasidan bitimga erishildi. Bu bitimlar har ikki davlat rahbarlari darajasida qoʻllab – quvvatlandi.
Bugungi kunda mazkur universitet bilan Abu Ali Ibn Sino nomidagi Buxoro davlat tibbiyot instituti oʻrtasida yoʻlga qoʻyilgan aloqalar yangi bosqichga koʻtarilmoqda. Oʻzaro kelishuvga koʻra, har yili buxorolik mutaxassislar ushbu universitetda imtiyozli tarzda malaka oshiradi.
Muloqotda tibbiy taʼlim sohasida aloqalarni yanada kengaytirish va rivojlantirish, hamkorlikda ilmiy-maʼrifiy tadbirlarni oʻtkazish imkoniyatlari muhokama qilindi.
Viloyat rahbari Kemalittin Aydinni Buxoroga tashrifi bilan qutlab, hamkorlik doirasidagi takliflarni toʻla qoʻllab-quvvatlashga tayyorligini taʼkidladi.
Oʻz navbatida Kemalittin Aydin Sogʻlik bilimlari universitetining Buxoro tibbiyoti bilan hamkorlik aloqalarini mustahkamlash va rivojlantirishdagi alohida saʼy-harakatlari uchun viloyat hokimiga minnatdorlik bildirdi.
Tomonlar yoʻnalishlar va talabalar sonining oshib borayotganini inobatga olib, Turkiya tibbiyot fakulteti uchun alohida bino ajratish, bakalavr va magistrantlarning akademik almashinuvini yanada kengaytirish, akademik mobillik, ilmiĭ ĭunalishlarda oʻzaro tajriba almashish, professor-oʻqituvchilar va doktorantlar uchun malaka oshirish, turk universitetining filiali bazasidagi shifoxonalarda amaliyot oʻtash va qoʻshma tadqiqot, jarrohlik amaliyoti loyihalarini amalga oshirish borasida kelishuvlarga erishdi.
Shu bilan birga har ikkala muassasa oʻrtasida amalga oshirilishi mumkin boʻlgan istiqbolli loyihalar toʻgʻrisida fikr almashildi.
Viloyat hokimligi matbuot xizmati