Buxoro viloyati hokimligi

Uchrashuvda Oʻzbekiston va Fransiya oʻrtasidagi munosabatlar oʻzaro iqtisodiy hamkorlikdan strategik sheriklik darajasiga koʻtarilgani aytib oʻtildi. 

Taʼkidlanganidek, bugun bu strategik munosabatlar iqtisodiy, savdo, turizm va madaniy sohalarda ham oʻz ifodasini topmoqda. 

Muloqot davomida tomonlar ijtimoiy-iqtisodiy yoʻnalishlarda manfaatli aloqalarini rivojlantirish, hamkorlikni yanada mustahkamlash, istiqboldagi hamkorlik yoʻnalishlarini koʻrib chiqish hamda kelgusida samarali loyihalarni amalga oshirish yuzasidan muhokamalar olib bordi.

Xususan, muhokamalar jarayonida madaniyat va madaniy merosni asrash, tarixiy yodgorliklarni restavratsiya qilish, taʼlim va turizmda hamkorlik loyihalarini va tajriba almashinuvni kengaytirishga alohida eʼtibor qaratildi.

Botir Zaripov Buxoro viloyati va Fransiya bilan iqtisodiy va madaniy sohalardagi hamkorlikni yanada chuqurlashtirishdan manfaatdor ekanligi hamda fransiyalik hamkorlarni oʻz gʻoyalari, investitsiyalari va tajribalari bilan viloyatimiz imkoniyatlarini amalga oshirishda faol ishtirok etishga chaqirdi.  

Fransiya elchisi, oʻz navbatida, Buxoro viloyati potensialini yuqori baholab, savdo-investitsiya aloqalarini rivojlantirish, jumladan, Oʻzbekiston iqtisodiyotiga Fransiya kapitali va texnologiyalarini jalb qilish, taʼlim va turizm sohalarni rivojlantirish hamda moliyaviy hamkorlikni mustahkamlash imkoniyatlari mavjudligini aytib oʻtdi.

Shundan kelib chiqib, amalga oshiriladigan loyihalarga koʻmaklashishga tayyorligini bildirdi.

Muzokaralar yakunida tomonlar iqtisodiy, ijtimoiy va texnologik sohalarda oʻzaro manfaatli hamkorlikni yanada rivojlantirish, mavjud aloqalarni amaliy natijaga yoʻnaltirilgan yangi tashabbuslar bilan boyitish boʻyicha kelishuvga erishdi.

Viloyat hokimligi matbuot xizmati