“Aqlli tartibga solish” bo‘yicha xalqaro seminar-trening o‘tkazildi.
2026-02-25 16:00:00 / Vazirlik yangiliklari
✅Bugun, “Norma ijodkorligida "aqlli tartibga solish" tamoyillari hamda zamonaviy yondashuvlar” mavzusidagi xalqaro seminarning ikkinchi kuni yakunlandi. (https://t.me/adliyangiliklari/25259)
🔹Seminar manfaatdor tomonlarni normativ-huquqiy hujjatlar loyihalarini tayyorlash jarayoniga keng jalb etish mexanizmlari, amaldagi normativ-huquqiy hujjatlar majmuasini tizimli ravishda qayta ko‘rib chiqish (regulatory stock review) bo‘yicha ilg‘or xalqaro tajribalarni o‘rganishga bag‘ishlandi.
🔹Shuningdek, tadbirda ekspertlar tomonidan mazkur yo‘nalishlarda taqdimotlar o‘tkazilib, ishtirokchilar o‘rtasida ochiq va konstruktiv fikr almashinuvi tashkil etildi.
Mazkur xalqaro seminar-trening norma ijodkorligi faoliyatining sifatini yangi bosqichga olib chiqish, tartibga solish ta’sirini baholash tizimini mustahkamlash hamda xalqaro hamkorlikni yanada kengaytirishga xizmat qiluvchi muhim professional muloqot maydoni sifatida e’tirof etilmoqda.