Yashnobod tumanida yoshlar uchun ma’naviy-ma’rifiy tadbir o‘tkazildi
2026-02-23 12:35:00 / Vazirlik yangiliklari
📍2026-yil 21-fevral kuni Toshkent shahar Yashnobod tumanidagi Koreya madaniyat markazida Adliya vazirligi tashabbusi bilan yoshlar uchun ma’naviy-ma’rifiy tadbir tashkil etildi.
⌛Tadbirda adliya organlari vakillari, turli vazirlik va idoralar mas’ullari, mahalla faollari, OAV vakillari hamda 400 nafardan ortiq yoshlar ishtirok etdi.
Tadbirni O‘zbekiston Respublikasi Adliya vaziri o‘rinbosari M. Allakuliyev kirish so‘zi bilan ochib berdi. U o‘z nutqida yoshlarni sog‘lom turmush tarziga rioya qilish, zararli illatlardan yiroq bo‘lish hamda huquqiy ong va madaniyatni yuksaltirish masalalariga alohida to‘xtalib o‘tdi.
🎭Tadbir davomida Toshkent davlat yuridik universiteti talabalari tomonidan “To‘da” spektakli namoyish etildi. Sahna asari orqali giyohvandlikning inson hayoti, sog‘ligi va kelajagiga salbiy ta’siri ochib berildi.
Shuningdek, Toshkent davlat yuridik universiteti rektori B. Xodjayev, O‘zbekiston Respublikasi Din ishlari bo‘yicha qo‘mitasi bosh mutaxassisi J. Meliquziyevlar tomonidan yoshlar o‘rtasida huquqiy madaniyatni yanada oshirish, ma’naviy barqarorlikni mustahkamlash kabi masalalar yuzasidan ma’ruza qilindi.
🤔Tadbir yakunida “Quvnoqlar va zukkolаr” jamoasi hamda estrada xonandalari tomonidan badiiy chiqishlar taqdim etildi.
❗️Mazkur tadbir yoshlar o‘rtasida sog‘lom turmush tarzini targ‘ib qilish, huquqbuzarliklarning oldini olish hamda ma’naviy-ma’rifiy ishlar samaradorligini oshirishga xizmat qildi.