Yashnobodda Adliya vaziri, tuman hokimi va boshqa mutasaddilar tomonidan fuqarolar uchun sayyor qabul tashkil etildi
2026-02-14 17:00:00 / Vazirlik yangiliklari
Oʻzbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yo'nalishida yaxlit manzilli ishlash tizimini joriy etishga qaratilgan qoʻshimcha chora-tadbirlar to'g'risida”gi qarori ijrosi yuzasidan Yashnobod tumanidagi Respublika kasbiy ko‘nikmalar markazida fuqarolar uchun sayyor qabul tashkil etildi.
Qabulda Adliya vaziri A. Tashkulov, Yashnobod tuman hokimi B. Rahmanqulov va boshqa mutasaddilar tomonidan 100 nafarga yaqin fuqarolar, shu jumladan 60 nafar probatsiya hisobidagi shaxslarning uy-joy, tadbirkorlik, bandlik, moddiy yordam, kasb-hunarga o'qitish, mehnat migratsiyasi va boshqa masalalariga oid murojaatlari tinglandi.
Qabul jarayonida kelib tushgan murojaatlarning 27 tasi joyida hal etilib, 42 nafar fuqaroning murojaati ish yurituvga qabul qilindi hamda ularni qonun doirasida hal etish bo'yicha masʼullarga tegishli topshiriqlar berildi.