“Ijro.gov.uz” tizimidagi nazorat topshiriqlar ijrosi samaradorligi yakunlari, aniqlangan kamchiliklar va muammolar” mavzusida “Iqtisodiy o‘qish” o‘tkazildi
2025-01-31 17:17:00 / Yangiliklar
Tadbirda vazirning birinchi o‘rinbosari O.Nasritdinxodjayev, Vazirlar Mahkamasi mas’ul xodimi I.Jumayev, Hisob palatasi O‘zbekiston Respublikasi Prezidenti hujjatlari va topshiriqlarini bajarishda ijro intizomiga rioya etilishini nazorat qilish shu’basi mas’ul xodimi N.Sadriddinov, Adliya vazirligi O‘zbekiston Respublikasi Prezidenti hujjatlari ijrosini nazorat qilish boshqarmasi mas’ul xodimi M.Ismatov ishtirok etishdi.
Vazirlik Nazorat va ijro intizomi bo‘limi boshlig‘i M.Raximov “O‘zbekiston Respublikasi Prezidenti hujjatlarida (ijro.gov.uz) 2024 yilda vazirlikka belgilangan topshiriqlar ijrosi tahlili hamda 2025 yilda belgilangan topshiriqlar ijrosini samarali tashkil etish to‘g‘risida” taqdimot qildi.
Shuningdek, tadbirda “O‘zbekiston Respublikasi Prezidenti topshiriqlari ijrosini samarali tashkil etishning muhim jihatlari to‘g‘risida”, “Hisob palatasi tomonidan O‘zbekiston Respublikasi Prezidenti hujjatlari ijrosini nazorat qilish hamda Kon-geologiya vazirligining Hisob palatasi bilan ishlash jarayonida Yo‘l qo‘yilayotgan kamchiliklari to‘g‘risida” hamda “Kon-geologiya vazirligida qonunchilik hujjatlari va topshiriqlar ijrosini ta’minlashda nazoratni tizimli yo‘lga qo‘yish chora-tadbirlari to‘g‘risida” ma’ruzalar va taqdimotlar qilindi.
“Iqtisodiy o‘qish” davomida tadbir ishtirokchilarini qiziqtirgan savollarga vazirlikning, tegishli idoraning vakillari tomonidan javoblar va tushuntirishlar berildi.