Namangan viloyatida noqonuniy qum-shag‘al qazib olgan mansabdorga chora ko‘rildi
2024-08-20 17:05:00 / Yangiliklar
Tog‘-kon sanoati va geologiya sohasini nazorat qilish inspeksiyasi tomonidan aniqlangan Namangan viloyati Kosonsoy tumani hududida mansab vakolatidan qasddan foydalanib, foydali qazilma qum-shag‘alni noqonuniy qazib olib, davlat manfaatlariga juda ko‘p miqdorda zarar yetkazilganligi holati yuzasidan ochilgan jinoyat ishi tuman sudida ko‘rib chiqildi.
Kosonsoy tuman sudining qaroriga asosan mansab vakolatidan qasddan foydalanib, foydali qazilma qum-shag‘alni noqonuniy qazib olib, davlat manfaatlariga juda ko‘p miqdorda zarar yetkazgan G‘.D. ga nisbatan 2 yil muddatga ozodlikni cheklash jazosi hamda 500 million so‘mdan ortiq zararni xatlangan ko‘chmas mulklar va ashyoviy dallillar evaziga, shuningdek boshqa mablag‘lar hisobidan qoplash yuzasidan sud hukmi o‘qildi.