Vobkent: Ko‘lxatibda ham 90 o‘rinli maktabgacha ta’lim tashkiloti qurilmoqda
2024-11-29 16:55:00 / Yangiliklar
Mamlakatimiz Prezidentining 2019-yil 8-maydagi “O‘zbekiston Respublikasi maktabgacha ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi qarori ijrosini ta’minlash maqsadida bugunga kelib tumanda talab darajasidagi zamonaviy davlat maktabgacha ta’lim tashkiloti soni 21 tadan 36 taga yetkazilib, qamrov darajasi 80 foizni tashkil etayotgani yuqoridagi fikrimiz dalolati.
Aniqrog‘i, tumanda 8 ming 300 nafardan ortiq bolajon maktabgacha ta’lim jarayoniga qamrab olingan. Shuningdek, ayni kunda 200 nafarga yaqin jajji bolajonni o‘z bag‘riga olgan 4 ta xususiy sherikchilik asosidagi va 1 ta xususiy maktabgacha ta’lim tashkiloti faoliyati va moddiy-texnik ahvoli ham muntazam diqqat-e’tiborda.
O‘tgan oylardan "Ko‘lxatib" MFYda ham aholi talab va murojaatlaridan kelib chiqib yangi maktabgacha ta’lim tashkiloti binosining qurilish ishlari boshlandi. Albatta, bu xayrli tashabbus farzandlarini bog‘cha qatnoviga bermoqchi bo‘lgan ota-onalarni xursand qilmoqda. Negaki, mahalla ahli ko‘pdan buyon zamonaviy, har tomonlama qulayliklarga ega maktabgacha ta’lim tashkilotini orzu qilishardi. Nihoyat, tuman hokimligi amaliy madadi bilan bu orzu amalga oshadigan bo‘ldi.
Shu yilning iyul oyidan boshlab pudratchi subyekt "Ideal techno vuilding" MCHJ ning Elmurod Isaboyev boshliq serg‘ayrat quruvchilari yangi maktabgacha ta’lim tashkiloti binosini bunyod etishga kirishganlar. Ayni kunlarda bu inshootda g‘isht terish, syement-beton ishlari olib borilmoqda. Kelgusi yil ikkinchi choragida foydalanishga topshirilishi maqsad qilingan maktabgacha ta’lim tashkiloti 90 nafar bolajonni o‘z bag‘riga oladi.
Viloyat hokimligi matbuot xizmati