Quyosh panellari o‘rnatganlarga 8 mlrd so‘mdan ziyod subsidiya berilgan
2025-04-30 17:00:00 / Qo'mita yangiliklari
2025-yilning I choragida 12 746 nafar jismoniy shaxs elektr tarmoqlariga o‘tkazilgan quyosh energiyasi uchun 8 mlrd 147 mln so‘m davlat budjetidan subsidiya oldi.
Subsidiyaning eng katta qismi quyidagi hududlarga to'g'ri kelmoqda:
- Xorazm viloyati - 2,6 mlrd so‘m;
- Qoraqalpog‘iston Respublikasi - 1,1 mlrd so‘m;
- Toshkent shahri - 585 mln so‘m.
Subsidiyani “Soliq” mobil ilovasi "Keshbek va imtiyozlar" xizmatining “Quyoshli xonadon” bo‘limidagi “Kartaga pul o‘tkazish” oynasi orqali bank kartasiga o‘tkazib olish mumkin.
Eslatib o‘tamiz, 2023-yil 1-apreldan “Quyoshli xonadon” dasturi doirasida xonadoniga quyosh panellarini o‘rnatgan jismoniy shaxslarga quyosh paneli orqali ishlab chiqarilgan va yagona elektr energetika tizimiga uzatilgan elektr energiyasining har bir kilovatt soati uchun 1000 so‘mdan subsidiya ajratilishi belgilangan.
Qayta tiklanuvchi energiya manbalari uchun imtiyozlar
Soliq to'lovchilarni rag'batlantirish hisobini yuritish va monitoring qilish boshqarmasi