Raqamli markirovkalanadigan mahsulotlar harakatini tahlil va nazorat qilish dasturiy mahsuloti ishlab chiqiladi
2024-06-07 16:30:00 / Qo'mita yangiliklari
Soliq qoʻmitasi, Raqamli texnologiyalar vazirligi va “Asl belgisi” axborot tizimi operatoriga quyidagi vazifalar belgilab berildi:
“Asl belgisi” axborot tizimi maʼlumotlari asosida raqamli markirovkalangan mahsulotlarni tizimga kiritish, ularning harakatini avtomatlashtirilgan tarzda tahlil va nazorat qilish imkonini beruvchi dasturiy mahsulot ishlab chiqish;
“Asl belgisi” axborot tizimini quyidagi yoʻnalishlarda takomillashtirish:
▫️ishlab chiqarilgan va realizatsiya qilingan raqamli markirovkalangan mahsulotlarning hisobini toʻgʻri yuritish hamda mahsulotlar harakati zanjirini axborot tizimida toʻliq va haqqoniy aks ettirish;
▫️mahsulotlarning hisobini toʻgʻri yuritish hamda mahsulotlar harakati zanjirini axborot tizimida toʻliq va haqqoniy aks ettirish maqsadida raqamli markirovkalangan mahsulotlar aylanmasi ishtirokchilarining aniq faoliyat manzili, shu jumladan, mahsulotlarni ishlab chiqarish, saqlash va realizatsiya qilish manzillari hisobini toʻgʻri yuritish;
▫️shubhali holatlarni aniqlash va bunday maʼlumotlarni soliq organlariga avtomatlashtirilgan tarzda taqdim etish.
