"O‘zbekkosmos" agentligi

Joriy yilning 24-25-sentyabr kunlari Minskda (Belarus) “O‘zbekkosmos” agentligi boshchiligidagi O‘zbekiston Respublikasi delegatsiyasi MDH ishtirokchi davlatlari Kosmik masalalar bo‘yicha Davlatlararo kengashining 6-yig‘ilishida ishtirok etishdi. Shuningdek, unda Rossiya Federatsiyasi, Belarus, Qozog‘iston, Tojikiston Respublikalari delegatsiyalari va MDH Ijroiya qo‘mitasining tegishli idora hamda tashkilotlari rahbarlari ham qatnashishdi.

Yig‘ilishda “O‘zbekkosmos” agentligi vakillari O‘zbekiston raisligida 2024-2025-yillar davomida kengash tomonidan tayinlangan qarorlarning bajarilishi bo‘yicha taqdimot qilib,  agentlikning milliy kosmik sohani rivojlantirishga qaratilgan qator loyihalari to‘g‘risida ma’lumot berishdi.

Tadbir yakunida MDH ishtirokchi davlatlari hamkorligini rivojlantirish, ularning kosmik sohadagi qo‘shma faoliyatini muvofiqlashtirish, shuningdek, birgalikdagi loyihalarni amalga oshirishga qaratilgan kun tartibidagi 21 ta band bo‘yicha qarorlar qabul qilindi. MDH ishtirokchi davlatlarining Kosmos bo‘yicha davlatlararo kengashidagi navbatdagi raislik rasman Belarus Respublikasiga topshirildi.

Bundan tashqari, Kosmosga oid Davlatlararo kengashga a’zo mamlakatlar 2028-yilda Xalqaro astronavtika kongressini o‘tkazish uchun Samarqand shahri nomzodini qat’iy qo‘llab-quvvatlashlarini bildirdilar.