"O‘zbekkosmos" agentligi

O‘zbekiston yoshlarining texnologiyalar, muhandislik, robototexnika, innovatsiya va astronavtika bo‘lgan qiziqishini yanada orttirish, ularning bu boradagi g’oya, tashabbus va loyihalarini qo‘llab – quvvatlash maqsadida O‘zbekiston Respublikasi Raqamli texnologiyalar vazirligi hamda Uzum milliy raqamli ekotizimi ko'magida “Yosh muhandis” Respublika tanlovi tashkil etildi. 
Joriy yilning 25–fevral sanasidan start berilgan mazkur musobaqaga 12 yoshdan 20 yoshgacha bo‘lgan maktab o‘quvchilari va talabalardan iborat jami 133 ta jamoa maishiy yoki ijtimoiy muammolarni hal qilishga yordam beruvchi 150ga yaqin muhandislik ishlanmalarini taqdim etishdi. Ulardan eng munosib deya saralab olingan 28 ta loyiha yakuniy bosqichiga yetib keldi. 
Joriy yilning 10-may kuni O‘zbekiston Respublikasi Raqamli texnologiyalar vazirligida  “Yosh muhandis” tanlovining final musobaqasi bo‘lib o‘tdi. Unda Respublika bo‘ylab tanlab olingan eng kuchli 28 ta jamoa g’oliblik uchun kurashdi.

O‘zbekiston Respublikasi Raqamli texnologiyalar vazirligi, Uzcosmos agentligi, Uzum milliy raqamli ekotizimi hamda Turin politexnika universiteti ekspertlaridan iborat hakamlar hay’ati a’zolari yoshlarning muhandislik ishlanmalarini baholashdi.  

Loyahalar quyidagi mezonlar asosida ko‘rib chiqildi:
1.    Kreativ, innovatsion yondashuv
2.    Loyihani amaliyotga tadbiq etish
3.    Loyihaning ilmiy asosliligi 
4.    Loyihaning ijtimoiy va ekologik ahamiyati
5.    Loyihaning taqdimot sifati

“Yosh muhandis” tanlovining final musobaqasi natijalari bo‘yicha quyidagi jamoalar g’oliblar qatoridan joy olishdi:

1-o‘rin: Andijon viloyati Andijon shahridagi “Iqro academy” xususiy maktabi 6-sinf o’quvchisi Abubakr Rafuqjonov. Loyiha nomi o’qituvchi robot; 

2-o‘rin: Toshkent viloyati Parkent tumanidagi 11-umumta’lim maktabi o‘quvchisi Islomjon Tolaxo’jayev. Loyiha nomi yong’inga qarshi robot.

3-o‘rin: Toshkent shahridagi “Sehriyo” xususiy maktabi o’quvchilari Алексей Кремер va Safiya ganiyeva. Loyiha nomi BioAI – sun’iy intellect yordamida sog’liqni muxofaza qiluvchi yordamchi.

Asosiy sovrin, musobaqaning gran-pri sohiblari, "Eng kreativ loyiha" nominatsiyasiga Toshkent shahridagi 307-maktab o‘quvchisi Javdat Xudanov va  “Millat umidi” xususiy maktabi o‘quvchisi Samandar Xudanovlarning  “Smart house” loyihasi hamda Toshkent shahridagi “Sehriyo” xususiy maktabi o’quvchisi Amir Saipovning “Orbit clear” - Orbitani kosmik chiqindilardan tozalovchi sun’iy yo’ldosh ishlanmasi munosib ko’rildi. Ular Yevropadagi eng yirik va jahonda TOP-5ga kiruvchi Guhem xalqaro kosmik markaziga sayohat uchun yo‘llanmani yutib olishdi.  

Uzcosmos agentligi Axborot xizmati.