"O‘zbekkosmos" agentligida raqamli suverenitet va kiberxavfsizlik masalalari muhokama qilindi
2026-10-29 17:20:00 / Yangiliklar
"O‘zbekkosmos" agentligida Raqamli suverenitet va milliy kiberxavfsizlik kuniga bag‘ishlangan tadbir o‘tkazildi. Unda axborot xavfsizligini ta’minlash, raqamli savodxonlikni oshirish va zamonaviy texnologiyalardan samarali foydalanish masalalariga e’tibor qaratildi.
Tadbir doirasida davlat boshqaruvi organlari rahbarlari ishtirokida raqamli fakt-cheking bo‘yicha seminar-trening tashkil etildi. Unda yolg‘on axborotlarni aniqlash, ma’lumotlar ishonchliligini tekshirish va tanqidiy fikrlash ko‘nikmalari muhokama qilindi.
Shuningdek, sun’iy intellekt yordamida katta hajmdagi ma’lumotlarni tahlil qilish, tizimlashtirish, hisobotlar tayyorlash va boshqaruv qarorlarini qabul qilish jarayonlarini takomillashtirish imkoniyatlari ko‘rib chiqildi.
Tadbir raqamli xavfsizlik madaniyatini mustahkamlash hamda davlat boshqaruvida sun’iy intellektdan mas’uliyatli va samarali foydalanish ko‘nikmalarini rivojlantirishga qaratildi.